VUN ZOH TUAH UH,TUCHUN KAWLRALKAP THILTUAH HI CELH DING BAK ASI LO

NLD /NAC Center ah sii a thlop lio mi HIV zawtnak a ngei mi hngakchia 3 le a dang mizaw 9 hna cu ralkap lei nih an tleih hna. Yangon Hlutdaw kuzale Daw Phyu Phyu Thin hruainak in dirhmi NLD/NAC center ah a thlop lio mi HIV zawtnak a ngei mi hngakchia 3 le a dang mizaw 9 hna cu ralkap lei nih tuni ah an tlaih hna tiah Daw Phyu Phyu Thin nih thawng thanhnak a tuah.

Hi tluk in minung khuaruahnak hmanh a ngei ti lo mi nih sii a ding cuahmah lio mi mizaw an tlaih hna i mizaw pawl cungah thil pakhat khat an can sual ah cun an mah ruang ah si lai. Hi ralhrut pawl hna caah caan sau a tang ti lo. An tuah mi that lonak vialte hi a rauh hlan ah an tem than ve dih lai caah timh cia tein um uh tiah chimh kan duh hna tiin social media ah caa a tar.

Myanmar military gets billions from profitable business: Amnesty | Human  Rights News | Al Jazeera

Relchih:Minung pahnih an nunnak aliam. Tuchun Mandalay lamzawhnak ah minung an nunnak aliam tiah theih asi. Hi konghe pehtlaiin Mizzima thawngzamhnak nih alnaghter mi cu ralhrang kawlralkap phu khat a simi mipi sawhsawh thilthuam i hruk in lamzawhnak atuahmi hna cu an tthawl hna. Meithal in an kah hna caah minung pahnih an nunnak aliam.

Culawng siloin lam zawhnak atuahmi hna cu nu pakhat telh in minung panga an tleih rih hna tiah an langhter chih. Hi konghe pehtlai in khuami minung pakhat nih a chimmi cu zingka te ah pumpak or chungkhar hna nih an i cit tawnmi or an i ngeihmi motor hmangin lampi tam nawn ah a thlithup in an hngah hna tiah a chim.

Cuticun ralhrang kawlralkap hna nih mipi thuam an i hruk i meithal he mipi hna cu an kah hna. Ralhrang pawl kahnak in minung pahnih an nunnak aliam tiah an chim. Culawng siloin 58 lam siseh 116, 117, 669 lam hna le Singpan lam ah minung panga leng an tleih rih hna tiah an thanh. Tuchun lamzawhnak ah a nunnak aliammi an tam ngai tiah theih asi. Mizzima

Be the first to comment

Leave a Reply

Your email address will not be published.


*