Vote A Tthek Dih Te Hrim Hrim La

Nga pakhat a thut ah cun adang zong an thu dih. Hruai tu ttha lo hi Chin ka si ai tiah zulh phung asi loVote ai tthek dih cang lai.
2020 Thimnak kong ah miphun party ah kandir hau ti hi adik mi alo ngai nain ttha te zoh ah cun hruh he ai khat. Hruai tu te hi ttha tein zoh an hau, Lai nawng hna , Mah le miphun hoi arem lo mi hna, Hmunhma cuh aduh tuk mi hna an si maw?

Phaisa le sinak rumro aduh mi hna an si maw ti kha kan zoh lo ah cun Vote kan pek mi hna kan I chir tuk te lai. Tutan ah Miphun party CNLD ah kan dir hna lai ti hi kan chim tawn hna asi nain akan hruai tu te nih hin zei hmenh an tuah khawh ding mi aum lo. Cu lawng si lo in dir kamh zia athiam lo tuk mi kan um caah aphi a chuak te ding mi hi kan mah le kan mah ningzah nak tu a si te lai.

2008 Phung hram kong le ramri kong hna hi cu CNLD nih zeitik hmenh ah atuah kho bal lai lo,CNF!A rian tu asi . An mah hmenh nih an tawl rel kho rih lo, CNLD hi CNF!A nih zei tik hmenh ah adir pi lai lo. Aruang cu an nih nih party pakhat khat an dir pi ah cun Chin ram an tthen cheu leh lam lai caah dir pi phung asi lo. Nai te kanpa LH Sakhong nih ChinChin PT Vote pek ding in achim ,Kan hnu lei deuh ah Henry Vote pek ding tiah NLD dir pi nak kong achim hoi, A bia ai hnih thum dir hmun rep nei lo ,

SuiKhar, ZingCung,SaLoMon khi zoh hna ngat CNF/A thang na chiat sual lai tiah Media nih an rak ti colh ve. Chim duh mi cu tlawm te an I palh hmenh ah mipi an buai ter menh cang. Tutan ah CNLD party nih VP VanThio cu a sual an kawl ti alang ngai ngai, An khua I DAM a ser mi kong tiang an rak chuah pi cang . NLD Cozah nih Inn Licence nei lo in, hmunhma lawng mi ah Inn fa te , Bawk te an va tom mi an hrawh mi zong aruang tuak tan lo pi in sual puh nak ah an hman . Chim duh mi cu hruaitu nih mi phun hoi heheh tiah va doh hi ,an mah tu kha an dik lo ti afiang.

Cu lawng si lo in ,VP Vanthio hrimhrim Vote pek lo ding ti tiang in chim le ceih ahung si cang. Thil si ning zoh tik ah VP VT ,a cuh tu hi CNLD lawng ansi . Cu caah mah bantuk hruai tu pawl hi Chin mi ka si ai pet tiah dir pi le Vote pek tlak hrim an si lo.
Kan Lu bik hi mizei dah si, A kan hruai tu hna hi mi phun an dawh tak tak maw zei tin dah an rian ttuan ning asi ti kha kan theih aherh. Miphun hoi he an irem kho maw, Mi dang he rian an ttuan tti kho maw ti xong hi kan zoh a hau mi asi.

Federal le Biaknak kong le Lam le sul kong le Fim cawnnak kong hna ah hin cun CNLD nih Kum5 a tleih lio ah khan ser le chim rel cu um rih seh aruah awk hmenh an rak thei lo. Cu asi ko mi nih thim lai ah cu e kha e tiah an ti mi hi lung hring chin an si tiah ka hmuh. VP Vanthio nih tam tuk te Chin ram aser siam mi an theih piak duh lo, Mah lawng si lo in Henry nih hin kawl mi Inn hmun rak chuh mi le Lei kuang rak chuh mi hmenh apek tthan hna ,Cu cu thei ko bu in an doh ruang le a sual an kawl ruang ah hin mi tam pi cu CNLD Party cung ah an lung afak lai ti zong alang .

2020 Thim nak cu ngaih aum ko. Vote ai tthek dih lai ti cu afiang ngai ngai cang. Independence le CNP caah rem caang ai chuah lai,an tha atho ngai lai ti nak asi. Ar pi ttap na Sahar nii na ti si ko rawh hih. (Mah Ca bia hi anei tu nawl pek nak in thlah mi asi. )

Crd:Saisih TlangAu

Be the first to comment

Leave a Reply

Your email address will not be published.


*