VIDEO: SALAI VAN LIAN THANG NIH FIANG TAKTAK IN A PHUAN KO HIH

Salai Van Lian Thang:Dr. Tin Mar Aung (Daw Aung San Suu Kyi Personal Secretary hlun) cu 2020 thimnak ah aa cuh ve. DASSK he kum saunawn aa zulmi le aa naihniammi nih zeiruangah NLD ticket siloin Arakan League for Democracy (ALD-Arakan Party) ticket in aa cuh, ti hi a hun biapi. NLD ticket hna a duh phot cun a caah a fawite ko lai. Nain, a duh lem rua lo.

Pakhatnak. Siangpahrang pennak (Kingdom) tiang a phan balmi Arakan bantuk miphun nih Kawl rambunh-Party bantuk khi an mitthi bal lo. An miphun ah an i uang, an miphun ah an hmin, an miphun ah ifuntom le dir a biapit kha an fiang.Pahnihnak. ALD cu apa Dr. Saw Mra Aung te nih dirhmi, apa hi 1990 thimnak hnu tlangcungmi ramkhel komhnak UNLD ah hruaitu laar a rak si, mirum milian a rak si. “Ethnic politics” timi Tlangcung miphun movement (UNLD, UNA, NBF tbk) a biapit zia hi a pa chanin an ifiang.

Pathumnak. Amyotha Hluttaw le Pyithu Hluttaw a luhcun Union-level Organizations (Union Minister tbk) rian lianpi a hmu khomi asi, ti kha a theih ko lai. Nain, miphun ramkhel a fiangmi Shan le Arakan bantuk nih cu bantuk cu an mit a thi lem rua lo. Pyine Hluttaw ah aa cuh. Arakan ramah a pa chanin “Foundation” dirhmi hmangin hmual ngei deuhin “Development” tu ṭuan aduh ti a hun lang.

Palinak. ANP nih Arakan State Hluttaw ah a tei nain NLD cozah nih cozah sernak nawl a onh lo. Khat lei cun an tlolh, nain an sung nemmam lo, budget zong tam deuhpi an hmuh thotho, an miphun nih hlawknak nganpi Arakan Nationalism buan an copi chih. Vawleipi ah teinak an hmuhmi political mandate and legitimacy kha tlang a au. Cu bantuk invisible political power kha hmuh khawh a ṭha ngai tawn.

2020 thimnak hnuah Dr Tin Mar Aung te hruaimi ALD Arakan miphun party versus U Ngibu hruaimi NLD karlak thil kalning kha zoh rih a biapite lai.NLD ministry khi zoh hmanh u. NLD party chungmi nakin NLD party lengmi nih Union Minister le Deputy Minister an tlaih deuh. Pyithu Hluttaw Speaker le Amyotha Hluttaw Deputy Speaker zong NLD lengmi an si.

Miphun ramkhel thazaang limhang a um phawt cun an sin va kal khi a hau lo, anmah tu na sin an ra lai. Shanram ah buan a comi SNLD hruaitu cu Union Minister an rak offer nain an cohlan lomi kha tehte cu asi. Mah ngakchia hi zeidah an tuah ve. Tlai hna u law, hreng khenh ve hna u ati. A nupi nih, mah ti cun chim hlah, mi sawhsawh an si lai lo. An mit-au hmanh pawpi mit-au alo.

Bia an chim ah pei an kaa in chuncha khu a chuah khi.. tiah ati. Kan pupa chan i mihrinfa le miphunfa hna cu an ral a ṭha i an thinlungput a pical. Vai le Kawl nakin a hmemi ah an iruat lo. Thibaw siangpahrang ukmi Kawlmi khua zeimaw nih Laimi (Zokhua bawi) sinah independence kan hmuh tiang ngunkhuai an rak pek kha tehte cu asi. Miphun ramkhel ah ifuntom hmasat caan asi. Cucu Dr. Tin Mar Aung nih a hun kan hmuhsak rua, ka ti. Video zoh a duhmi caah hika hi voikhat in hmehpiak law video in na ngeih khawh lai

Be the first to comment

Leave a Reply

Your email address will not be published.


*