USDP IN KUM 2010 AH TEINAK A HMU MI NAY MYO AUNG AN THAH

Seihkan Sang USDP Amat thing meithal kahnak in a nunnak a liam. Yangon Seih Kan sang USDP party amat thing simi U Nay Myo Aung cu June thla ni 10 zanlei ah Botahtaung phungkicawng pawng lakphakti dawr ah lakphak a din lio ah ah meithal in an kah i, a nunnak a liam tiah USDP lei rianngeitu pakhat nih a chim. Zanlei nazi 4 hrawng ah lakphak dawr a thut ah a lu ah an kah I a thih hi asi.

A kaptu hi zeibantuk minung dah a si timi hlathlainak an tuah lio asi tiah a chim chap. U Nay Myo Aung cu 2010 le 2018 election lio ah aa zuam mi asi I 2010 ah teinak a rak hmu mi asi. 2018 zong ah teinak a rak hmu ko nain mee konghe pehtlai in NLD lei nih a dik lo mi a um tiah an rak report caah Commission lei nih an check than I NLD kuzale tu teinak an rak pek.

May be an image of 1 person

Thawngpang dang:Thantlang CDF le Hakha CDF nih ralhrang kawlralkap minung 27 an kahthah hna. Nizan June ni 10 ah Thantlang CDF le ralhrang kawlralkap hna cu zinglei suimilam pahra hrawngah Khualhringtlang chungah i kahdohnak a chuak. Cun nizan June Ni 10 thiamthiam ah ralhrang kawlralkap le Hakha CDF hna cu zanlei suimilam pathum hrawngah kahdohnak a chuak.

Hmun hnih i kahdohnak ah ralhrang kawlralkap lei in minung 27 an nunnak a liam. Thantlang CDF le ralhrang kawlralkap i kahdohnak ah ralhrang kawlralkap lei in minung 17 an nunnak a liam i, a nunnak a liammi chungah ralhrang kawlralkap bawi pakhat Bokyi zong aa tel. Thantlang CDF lei in a nunnak liammi le hliam a tuarmi an um lo tiah Thantlang CDF hna nih thawng thanhnak an tuah.

Cun nizan June ni 10 tthiamtthiam ah Ralhrang kawlralkap hna le Hakha CDF hna cu zanlei suimilam pathum hrawng ah Hakha le Gangaw karlak ah i tukdoh kahnak a chuak i, Ralhrang kawlralkap lei in minung 10 an nunnak a liam tiah Hakha CDF lei nih thanhnak an tuah. I kahdohnak ah Hakha CDF lei in hliam a tuarmi le nunnak aliammi an um lo tiah tiah an langhter chih.

Be the first to comment

Leave a Reply

Your email address will not be published.


*