UPDATE: TUTIANG AH MINUNG PATHUM AN NUNNAK ALIAM CANG

Upadate: Tuzing Kalaymyo ah mipi ralhrang i kahnak ruangah a nunnak aliammi minung pathum an si cang. Hliam atuarmi tam ngai an um rih. Tuzing i kahnak hi suimilam panga le cheu hrawng in thok a si i, suimilam pasarih hrawngah cun ralhrang kawlralkap hna nih hriamnam ngan in an kah hna. Curuangah atubantuk in mipi lei in minung pathum an nunnak aliam hi asi.

May be an image of road and tree

Tuan deuh thawng: Kalaymyo mipi le ralkap i kahnak ah Mipi lei in minung a nunnak aliam i, hliam atuarmi zong an tam ngai ti asi. Tuzing suimilam 5am hrawngah ralhrang kawlralkap le Kalay Civil Army i kahnak ah bomb an puah caah hliam atuarmi zong tam ngai an um ti asi. Hi i kahnak ah minung pakhat a nunnak aliam pin ah minung tam ngai hliam an tuar ti asi.

May be an image of outdoors and tree

Hliam a tuarmi hi zeizat dah an si timi theih asi rih lo. Ralhrang kawlralkap hna nih hriamnam ngan an hman ruangah a tu bantukin mipi lei hliam an tuar khunnak hi asi tiah an chim. Mipi lei zong hriamnam ngan ralhrang nih an hman caah hnu an soh i, ralhrang pawl nih meithal zong an puah thluahmah ti asi. Atu hi mi dum chungah hmunhma an la hna tiah an chim. Credit: CT

Breaking News. April 7 (Kawlram lei), zinglei 5:00 am in Kalaymyo ah ralhrang le mipi ralkap an i kap, atu hi an i kah cuahmah lio a si i a thimi le hliamtuarmi an um le um lo zong theih a si rih lo! Ralhrang lei nih bomb an hman tuk i mipi caah tih a nung tuk ee tiah ka hawipa nih thawng a kan thanh! An i kahnak hmun hi Kanbawza Bank le Hmunlai karlak ah a si tiah kan theih!

Tlai deuh ah news update kan vun tuah than lai! Update: Mipi ralkap hi lampi kap deuh ah Security in zaan ah an um! Ralhrang hna nih hin lampi zulh loin a hnulei in a pel in an pel hna i an kah hna! Atu tiangah minung 3 an thi i pakhat cu a kut a tlong tiah theih a si! Ralhrang lei nih RPG meithal ngan an hman caah mipi lei an tuar khunnak a si tiah thawng kan theih.Thlacamnak in bawm cio hna usih!Note: Tahan a ummi Pathian riantuantu pakhat nih thawng a kan thanhmi a si! Credit: Chin Post.

Be the first to comment

Leave a Reply

Your email address will not be published.


*