UN CUNGAH KAWLRAM MIPI AN LUNG AZOR RUANGMANG CANG

Kawlralkap konghe pehtlaiin Kawlram mipi nih bochan taktak mi le ruahchannak nganpi ngeihmi UN cungah rampi cu an i ruahchannak le an lungthlitum a ttumchuk chin lengmang cang. UN cungah ram mipi an i ruahning in thil akal kho ti lo. UN cungah ruahchannak an ngeih mi vialte a ttumchuk in a zor chin ruangmang ko cang. Tutan ah thanhnak an tuahmi atanglei bangin asi.

UN Special Envoy- Myanmar Christine Schraner Burgener nih Security Council chungtel member hna hi Kawlram kongkau ah lungthinkhat tein dirtti hna usih tiah biatak tein achimphuan i, aa zuam ngaingai. UN cungah kawlram mipi hna nih an i ruahchannak hi a ttumchuk cuahmah cang tiah a chim. Kawlram mipi hna nih an tuarnak theihpi dingah nifatin message thonghnih hrawnghrang ka dong peng.

Cu an i timhtuahmi hna cu UN nih action kan lak piak hna seh ti an duh tiah a chim. Asinain UN Security member chungin veto power zong angeimi Russia le Tuluk nih kawlram buainak cu an mah ramchung buainak sawhsawh asi ko tiah an chim tikah UN zong nih kawlram konghe pehtlaiin thinlung khat in biachahnak an tuah kho ti lo.

Hi konghe pehtlaiin Kawlram kongah UN meeting tuah ahau tiah hram a thoktu UK nih thanhnak an tuah vemi cu biachahnak tuah kho hlah hmanh usihlaw thinlung khat in dirtti hi Security Council caah aherh tuk mi a si caah aw khat thinlungkhat chuah khawhnak dingah a si khawh chungin rian kan ttuan peng ko lai tiin an chim tiah Mizzima thawngzamhnak nih alanghter.

Thilsining Kong RELCHIH : UN Security Council nih Kawlram kong ah biakhiahnak an tuah kho lo. Russia le China nih Ralkap dirpi in an dohdal (veto). United Nations Security Council (UN SC) nih Ramkomh Kawlram kong ah cawn ningani ah to Pumh nak an tuah nain, Kawl Ralkap le Palek nih hramhram mi nunnak an lakmi le thongthlak mi kong ah, zeihmanh biafunnak le duhnak langhternak cathanh an chuah kho lo.US le ram cheukhat nih, Ramkomh Kawlram kong ah UN Security Council nih biafunnak ngei kho ding in, an nam ko nain innka khar meeting an tuahnak ah zeihmanh biakhiahnak an tuah kho lo tiah theih a si.

UN Security Council nih Innka khar in biaruahnak meeting an ngei mi cu, vawleipi remdaihnak a um khawhnak hnga ding caah an tuah tawn mi tonnak a si. Nain, tutan cawn ninga ( 5 March) ah an tuah mi Kawlram kong tonnak ah Biakhiahnak le hnatlaknak an ngei kho lo. Voidang bantuk in, Russia le China (Tuluk), an pahnih in Veto power (hramhram in Lanka nawl a ngeimi) in Ramkomh Kawlram kong ahcun, ahohmanh kan i thlak ding a si lo. Anmah tein anmah ram chung kong cu an i tawlrel ding a si ko tiah Russia le Tuluk nih Kawlram kong caih mi cu hramhram in an al.

Hi UN SC innka khar tonnak meeting ah, UN nih Ramkomh Kawlram ah palai thlah mi, Christine Schraner Burgener nih cun, UN nih nan zuan hnawh zok zok lo ahcun, mipi ruahchannak a zor tuk cang lai tiah ralrinnak (warning) zong a pek ko hna nain, zeihmanh biakhiahnak an tuah kho lo. I have heard directly the desperate pleas- from mothers, students and the elderly- I receive every day around 2,000 messages, for international action to reverse a clear assault on the will of the people of Myanmar and democratic principles,” she told the council. “Your unity is needed more than ever. UN nih Kawlram ah palai thlah mi nu nih cun, nifatin hi cakuat 2000 leng ka don. Ca a ka kuatu hi hringtu nu, siangnakchia, in upa le tar tiang an si.

Vawleipi nih kan dirpi cang u, Democracy phung zulh than khawhnak hnga nanmah nih kan dirpi u an ti tiah, UN Security Council cu a chimh hna. Tutan UN SC meeting a au tu, tonpumhnak a hrih awhtu UK palai nih cun, tutan ah zeihmanh kan caih kho lo.Asinain, a ralaimi UN SC meeting in aw khat kan chuah khawhnak hnga ding caah kan i zuam lai tiah meeting dih bak ah a chim. UN Security Council (UN SC) nih biakhiahnak a tuah khawhnak hnga ding caah, chungtel ram 15 chung in ram 9 nih hnatlaknak ngeih a hau. Cuchung ah, Veto Power (hramhram nawlngeihmi hmannak nawl ngei) ram nga, US, UK, France, Russia le China tiah an um. Credit:Salai Tluangkipthang

Be the first to comment

Leave a Reply

Your email address will not be published.


*