TUNI PDF LE RALHRANG I KAHNAK RALHRANG BAWI PAHNIH AN THI

TCP.Mandalay PDF le Ralhrang I Kahnak Ah Ralhrang Lei In Tongmangbawi le Bawiham An Thi PDF 2 Nunnak Liam 6 Tlaih An Si. Nihin Mandalay ah a cangmi Mandalay PDF le ralhrang i kahnak ah ralhrang lei in Tongmangbawi pakhat le Bawiham pakhat an thi tiah theih asi.

I kahnak ah PDF lei in pahnih an nunnak a liam i paruk tlaih an si tiah fehter in thawng theih asi.Hi a thimi ralhrang pa hi phungki pa taza a rak cuaitu Tongmangbawi Aung Myo Kyaw asi tiah khuami pakhat nih a chim. Hmanthlak hi a thimi ralhrang Tongmangbawi Aung Myo Kyaw asi.

May be an image of 1 person and text

Thawngpang dang:Tuni i kahnak ah ralhrang kawlralkap nih thawng thanhnak an tuah. June thla ni 22 ah a cang mi Mandalay PDF le SAC ralkap I kahnak ah PDF lei in minung 8 an thi tian ralkap lei nih thawng an thanh. SAC ralkap lei zong fak ngai in aa hliam mi cheukhat an um I PDF lei minung 4 an thi I minung 8 cu an hriamnam he kan tlaih hna tiah ralkap lei nih cun thawng an thanh.

Mandalay I Chan Mya Tharsi sang ah a um mi inn pakhat cu ralkap lei nih an luh hnawh caah PDF lei he I kah nak cu tu zing ah a chuak. Cu pin ah mawtaw cung in ralkap pawl a kap len mi mipi mawtaw pakhat cu ralkap lei nih an dawi caah speed tamteuh in a kal I lam 56 le 110 karlak ah a um mi transformer cu a pah sual I mawtaw cung ah a cit mi minung 4 zong an thi tiah ralkap lei nih cun thawng an thanh chih.

PDF lei nih meithal le bomb in an kan kah hmasa caah kan kah than hna nak a si tiah thawng an thanh chap. PDF lei an umnak apikpak in an I dornak hmunhma pakhat cu ralkap lei nih an kah luh hnawh caah I kah doh nak a chuah nak asi tiah PDF lei nih tuzing ah an facebook page ah an tar. Cu pin ah mipi lei nih nan ti khawh ning cio in rak kan bawm ve uh tiah PDF nih mipi lei cu an nawl hna.

Thawngpang dang:Russia ah a tlawngmi Min Aung Hlaing cu hlawhtling ngai in um dawh asi. Min Aung Hlaing Russia a tlawn ah hin rampi president bantukin an dong lo. Asinain ralbawi dirhmun tuin an rak don. Ralbawi dirhmun in a si caah Russia president Putin he tonnak an ngei kho lai lo. Sihmanhsehlaw ralbawi veve cu tonnak an ngei cang tiah thawngzamhnak nih alanghter.

Min Aung Hlaing le Russia ram aiawh in ralbawi Nikolai cu tonnak an ngei. Russia ralbawi nih a chimmi cu Min Aung Hlaing hi President Putin nih tonnak ngeih a tim lo tiah a chim. Ram pahnih cu ram tthanchonak ding ah kum tampi a ttuan cangmi kan si i, ralkap nih nawlngaihnak an lak hlan pi in asi cang. Min Aung Hlaing hi Russia ah ralbawi dirhmun in a kal lengmang mi asi.

Rampi pahnih ralbawi ton biaruahnak konghe pehtlaiin an langhter mi cu hriamnam lei kong biaruahnak an ngei. Hriamnam lei ah pehtlaihnak fek a um chinchin nak dingah ttuan tti peng dingin Russia ralbawi nih Min Aung Hlaing cu bia akamh tiah ram pahnih ralkap lei nih thanhnak an tuah veve. Hi bantukin biakamhnak he a si tikah Min Aung Hlaing a duhmi cu atling ko rua.Ming Aung Hlaing cu Russia ram khuapi Moscow ah an tuahmi Conference of International Security 2021 ah akal mi a si i, a ralai mi thaizing kiptuh June 24 tiang a caam lai. Russia ah a kalmi hi Min Aung Hlaing lawng siloin ralbawi dang minung pathum zong an kal ve tiah an chim.

Be the first to comment

Leave a Reply

Your email address will not be published.


*