TUNI AH RALHRANG KAWLRALKAP AN BIAHREN CU LUNGRAWK SI KO

NUG, PDF nan bawmh hna ahcun hrem nan si lai tiah ralhrang nih an tlerh hna. Mon ramkulh, Ceihthu ah chawlehthalnak a tuah mi hna cu NUG le PDF nan bawmh hna ahcun hrem nan si lai tiah ralhrang kawlralkap hna nih an auh hna i an tlerh hna.Ceihthu ah chawlehthalhnak a tuah mi hna cu pengkomh zung ah an auh hna i an tlerh hna hi a si.

NUG, PDF phu hna cu ralhrang an si caah bawmhnak nan pe hna lai lo, nan pek hna a si ahcun phungning tein hrem nan si lai tiah an ti hna. A tuah cang mi nan um sual ah le hmailei ah nan tuah ti nak hnga lo tiah an chim” tiah auh mi chungtel rianngei pakhat nih thawngzamhnak ah a chim. Mah i tonnak cu rallokap phu nih bau lo tein kai ding ah an kan chimh caah,

CeihThu peng um Khualriah nak hmun, rawl dawr ngeitu hna cu kan kai. Ralhrang kawlralkap hna nih CRPH, NUG, PDF phu hna cu tlaih khawh ding in thawng a thanh tu tlaih piak kho tu cu an tlaih mi hna he pehtlai in a tlawmbik taangka sing 5 in a tam lei cu rikhiah um lo in a tawkzawn te ah laksawg pek an si lai tiah thawng an thanh. Credit: TCP

Parallel Myanmar Government Launched to Challenge Military Junta — Radio  Free Asia

Cabia dang: Vawlei cungah laksawng sunglawi bik mi NOBEL PEACE PRIZE a vun chuah ning.Daw Aung San Suu Kyi zong an pek mi, Vawlei cung milar le minthang tampi nih an co kho lo mi. India ram nih an uar tuk mi Mahatma Gandhi hman nih a co kho lo mi Nobel Peace Prize a vun chuak ning kong ka vun tial lai.Kum tampi a luan cang mi ah khan, Pa pakhat cu zingka a tho in Tading ca kha a rel. Mah Tading ca a rel mi lakah a khuaruahhar ngai mi le a nun a thlentu cu mah Tading ca a rel mi ruangah a si.

Tading Ca ahcun a thi cia mi kong kha an vun tial I, Mah a thi ciami kong an tial mi cu amah min bak le a rian tuan mi bak kha a si. Mah Tading Ca ah a min le a sin in a vun rel hnu ah, Rianrang in Tading ca ngeitu hna cu a chawn cawlh hna. A chimmi cu, Tu zing Tading Ca nan tial mi, a thi ciami kong nan vun tial mi ka keimah min le ka rian tuan mi a si ti tiin. Cun, Tading Ca a tial tu nih cun mah Tading Ca ah kan tial mi min le thil sining kha kan tial sual mi a si tiin a let.

Mah Tading Ca ah an tial mi cu mah ti hin a si. “Mi tampi caah tih nung tuk mi, mi tampi caah thihnak a chuahpi tu Dynamite a sertu, Dynamic bawipa cu a thi cang, ti hi a si. Mah bantuk in midang nih a sining an thei ning le an hmuh ning Tading Ca hmang in fiangtein a si ning a vun thei bak cu a celh lo I, a lungah bia halnak tampi a vun chuak.

Keimah hi midang caah thinak a chuahpi tu le harnak a chuahpi tu maw ka rak si ko tiin bia halnak tampi a vun chuak tikah a lung a nuam lo tuk cang caah thi hnuah atu bantuk in midang nih an ka thei peng ding mi cu tiin a cohlan kho bak lo. a lung a fak tak tak. A thih hnuah atu Tading caah an tial ning bantuk in midang nih an thei peng ding mi kha a duh lo tuk caah a nun cu a thleng i,

Atu cu midang caah ka nun ka hmang ve cang lai tiin a ngei mi chawva vialte ram le miphung caah rian a tuan tak tak mi, Bawmh her mi pawl caah heh tiah thi zong tih lo in rian a tuan le vawlei cungah midang caah thil tha le sunglawi tuk mi a chuahpi tu mi pawl sin ah pek ding in a ngei mi chawva vialte cu hmang ding in biakhianak a tuah. Mah hnuah Dynamite bawipa an ti mi cu midang caah a nun pek ve ding in kar a hlan. Mah pa cu Alfred Bernhard Nobel an ti mi hi a si.

Mah bantuk in a Tading ca a rel hnuah a nun a thleng I, a chawva vialte, ram le miphun caah thi zong tih lo in rian a tuan tu le Mipi caah thil tha le sunglawi tuk mi a chuahpi tu pawl sin ah a ngei mi chawva vialte cu sunglawi ngaiin a hmang caah amah phil lonak ding caah vawlei cungah laksawng sunglawi tuk mi NOBEL PEACE PRIZE (Medal le tangka $110,000 US dollar) ti mi hi a vun chuak mi a si.Nangle keizong mi caah rian a tuantu maw kan si, midang caah thihnak le lungfakna a chuahpi tu kan si ti hi ni fatin kan nunnak ah kan I check peng ding mi a si, Tha na ti ahcun Share le like in aw.

Be the first to comment

Leave a Reply

Your email address will not be published.


*