TUCHUN AN MEETING CU ROLING TAKTAK PEI ARAK SI HI

Kawlralkap nih UEC Chairman ah an thimmi nih thanhnak atuah ruangmang ve cang. Ralkap nih an thimmi UEC Chairman thar nih thanhnak atuahmi cu Election Result cu hlonh a si tiah ralttha ngaiin thanhnak atuah. Hi konghe pehtlaiin tuchun february ni 26 ah ralkap nih UEC thar le party tthenkhat hna cu ton biaruahnak meeting Naypyidaw an tuah.

Hi ton biaruahnak meetingah UEC Chairman thar asimi, Ralkap nih an thimmi U Soe Thein nih fiangko in a chimmi cu, 2020 Election result cu tthenh or hlawt asi cang i, 2020 thimnak kha cu a thi cang mi asi tiah a chim. Tuchun ah ralkap nih an thimthar UEC le ramchung party tonnak meeting an ngeihnak ah hin ramchung party in party 53 an itel kho tiah Irrawady thawngzamhnak nih alanghter.

Tutan ah ralkap nih UEC hruaitu thar an thimmi nih nikum 2020 rampi thimnak result cu hlonh or athi cang tiah a chimmi hi meeting ah aitel mi National Congress party chairman asimi U Kaung Myint Htut nih thawngzamhnak media ah a chimnak thawngin theih asi. Ralkap nih an thimmi UEC Chairman thar nih hin timhtuahnak angeih mi zong alanghter cang ti asi.

May be an image of 1 person, standing and indoor

Cu konghe pehtlaiin Hluttaw hmasa hna nih thimnak result an chuahmi or an langhtermi kha cu a thi cang mi asi tiah fiang tein ka chim tiah ati tiin a cunglei langhtermi National Congress Party Chairman U Kaung Myint Htut nih a chim chih. Cun vote thlaknak konghe pehtlaiin a chim tthan rihmi cu vote thlaknak mi lih le hrokhrawl in suaksam asi i, adik hmanlo mi a um tiah a chim rih.

Culawng siloin tuchun ah arak rami vialte hna hibantuk vote suaksamnak kongah hin NLD party cungah zeitindah action lak nan i timh tiah biahalnak zong atuah hna tiah an langhter chih rih. Cun tuchun ton biaruahnak ah arak itello mi party hna cungah action laknak a um lai tiah ralkap nih an thimtharmi UEC chairman sin ah nawlnak zong an tuah tiah an chim ti asi.

Hi konghe pehtlaiin kawlram chungah hin party tampi an um hna, Ramchung party tampi chungah phungning tein party sinak angeimi hna hi party 91 an si tiah theih asi. Hi chungah tuchun kawlralkap nih an dirhmi UEC meeting ton biaruahnak ah hin aitel khomi cu party 53 an si i, aitel lomi party hi 38 an si hna tiah theih asi. Party ngan deuh asimi cu an i tel hna lo.

Be the first to comment

Leave a Reply

Your email address will not be published.


*