TUCHUN AH THAWNGPANG TTHATUK VUN THEIH CU A SUNGLAWI KO

Kawlram mipi lawng siloin Vawleipi nih a thinphan taktak mi tuchun lamzawhnak cu thawngpang ttha lawngin theih asi. Thinphan thlalaunak le tukdohnak, ralkap nih hriamnam hmannak tibantuk um lo tein tluangtein 2 lawngte panga hmangin lamzawhnak tuahmi cu a tlamtling tiah thanhnak an tuah cang. Hi konghe pehtlaiin a tanglei bantuk in an langhter.

May be an image of one or more people, people standing, crowd and outdoors

Tuchun 2 lawngte panga 22222 tlangtaar in lamzawhnak tuah asi i, tuchun ah lamzawhnak ah aitelmi hna hi Rangon lawngah minung a ting renglo an chuak. Culawng siloin Mandalay zong ah minung ating renglo nih lam zawhnak an tuah tthan. Cun hmunkip kaakip ah a ummi kawlram chung vialte ah kawlralkap nih uknak an lakmi duhlonak cu tuchun ah 2 lawngte panga hmang in lam an zawh hna.

May be an image of 1 person, standing, outdoors and crowd

Kawlram khuapi pahnih Yangon le Mandalay ah cun kawlralkap cozah asimi hmuntampi hna ah biatak tein kilvennak an tuah, Asinain tuchun ah buainak pakhat hmanh um a um lo tiah an langhter. Nizan ti awk ah khan Mandalay ahcun lamzawhnak atuahtu hna chungah ralkap or palit nih hriamnam tiang an hman. Asinain tuchun lamzawhnak biapi 2 panga hmangin lam an zawh ahcun buainak a um lo tiah an chim.

May be an image of 3 people, people standing and crowd

Tuchun lamzawhnak atuahtu hna cu nidang nak in an tam deuh tuk. Cun dawr atuahmi vialte hna zong nih an dawr an khar i, lamzawhnak ah an i tel hna ti asi. Tuchun ah lamzawhnak atuahtu hna hi Mandalay lawng hmanh ah minung hi a ting renglo an si tiah an langhter chih. Cun naite thihnak tiang a chuahnak hmun Naypyidaw zongah biatak tein runvennak an tuah hna i, lamzawhtu le palit or ralkak ah buainak a chuak lo ti asi.

May be an image of 5 people, people standing, crowd and outdoors

Culawng siloin Kachin ram khuapi a simi Myitgyina zongah minung tampi nih lamzawhnak an tuah hna in, ralkap le palik nih buainak an pe hna lo ti asi. Tuchun cu a cunglei langhter cang bangin 2 lawngte panga hmangin ramchung kawlram khuakip hmunkip ah lamzawhnak biapi an tuah dih hna. Asinain nizan ah thawngpang a lengmi buainak a chuak sual lai tiah an phanmi cu tuchun lamzawhnak ah buainak a um lo tiah VOA le Mizzima thawngzamhnak nih an langhter.

Be the first to comment

Leave a Reply

Your email address will not be published.


*