TTIHNUNG SI CANG, MAH NIH KHUACHIA THONGINN IN A CHUAK CANG

Kawlram chungah khuachiapa tiah an auh mi le miphun hrawktu tiah an timi Wirathu an chuah cang. Rampi minchiat ruangah thong ah an thlakmi Wirathu cu thonginn in an chuah cang. NLD chan lio ah Daw Aung San Suu Kyi le cozah min nan chiatter tiah Section 124 hmangin an tlaihmi Wirathu cu ralhrang kawlralkap hna nih nizan ah khan an chuah cang tiah thanhnak an tuah.

Khuachiapa Wirathu hi a liamcia kum 2019 ah Myaih Township le Yangon Township ah campaing a rak tuah i, cu lio ah cozah le Daw Aung San Suu Kyi hna cu an thang a rak chiat hna. Tlaih dingin an rak kawl i, a rak zaam. Asinain nikum November nihnih ah Lanma Daw Township, Western District, police sakhan ah amah tein a rak i ap. Cuticun thong ah an thlak mi a si.

Insein thongah an chiah hnu ah ralhrang kawlralkap cozah nih atubantuk in an chuahmi asi. Wirathu hi tulio zongah ralhrang kawlralkap hna caah rinchanh tlak taktak mi asi tiah an chim. Tutan ah ralhrang kawlralkap hna nih Wirathu an chuahmi hi anmah ralhrang lei caah pakhat khat thil an tuahmi le cawlcangh an timh mi a um ko lai tiah an zumh.

May be an image of 1 person

Cabia dang. Dothlennak: Ram daw le phun zuar an lang, Kan fiang tuu le meheh zong. CDM tuah in rian dinh, Kaltak hna rank le thlahlawh. Cafung tlai kut nih hriamtlaih, Tlangsang horkuang lak vahvaih. Furpi cangvat fikfa lak, Rambua tuhmawng tang an vaak. Eidin chia kong vuivai lo, ‘Aphu ko’ ti’n an mirh kho, Semnak khuazung king riangmang.

Innhngak tar pawl thlavaikiang, Dingthlu lairel nun neih ruang. Thlanti thisen tampi luang, Lam phunkip in kan i bawm. Sifah hartuar kan i hrawm, Tefa hrang rosung tuanbia. Kan chiahta lai rothil țha, ‘Chat uh!’ sal lungput cikcin. Nauta kan si lo Lai phun, Cawhnuk khuaihli luannak ram. Kan serți lai dirhmun nuam, Kaamlo ralțha hmai ah fong.Zalen pennak kan co tiang. Credit: TRC

Be the first to comment

Leave a Reply

Your email address will not be published.


*