Tlaang Cung Hriamntlai TNLA Le SSPP Nih RCSS Cu An Kah Cang Lai.

Atu lio kawlram tualchung thil a cang mi kongah Tlangcung hriamtlai phu hna pakhat le pakhat karlak ah i lungrualnak le t’anti nak taktak cu 100% in a um kho rih loh ti cu fiang tein a lang ko.CRPH nih biatak tein tlangcung hriamtlai phu chawnhbiak khawh le hmun khat teah Uico ralhrang doh t’i dingin a tawlrel cuahmah ve na in tuchun tiang tlangcung hriamtlai phu hna an cawlcangh ning zoh tik ah thil foi si dawh a si ti loh.

Tlangcung hriamtlai phu hna chungin TNLA le SSPP hna nih cun April 4 ah khan kan nih TNLA le SSPP hna nih cun hmunkhat teah ralhrang kawl ralkap cu kan doh t’i cang lai.mah hi kap hnih hruaitu nih fiang rial tein hmai tonh cabuai cungah ton biaruahnak le biachahnak a tuah mi a si tiah cathanh a rak chuah cang.

TNLA le SSPP hna nih cathanh an chuah dih in a nihnih nak ah RCSS hriamtlai phu hna nih cun Man Yay vallage,Namat Township khuate ah lut in inn lo zei maw zat hna cu an mah hriamtlai phu RCSS hna nih cun an khangh piak dih hna tiah theih a si.RCSS hna nih hi tibantuk in thil an tuah mi cu TNLA le SSPP hriamtlai hna cungah an lungtlin lo nak langhternak caah an tuah mi a si tiah theih a si.

Tuchun April 6 zanlei sang suimilam 2 ah khan Manli khua ah an lut i Inn lo zei maw zat an khangh hnu ah an mah RCSS hriamtlai pawl hna cu an zam tiah mit in a hmutu hna nih an chim fawn.a mah belte RCSS nih zei ruangahdah TNLA le SSPP hna cungah an lung a tlin hngalo ti mi a ruang belte theih a si rih lo.TNLA hriamtlai hna hi Ta,ang National Liberation Army tiah kawh an si.SSPP hriamtlai hna hi Shan State Progress Party tiah kawh an si ve.RCSS hriamtlai zong hi Restriction Council Shan State tiah kawh ve t’hiam an si.

Be the first to comment

Leave a Reply

Your email address will not be published.


*