TIMH CIA TEIN UM UH AN TI CANG, ANAI TUK CANG EE

Khuapi Raldohnak Caan a Naih Caah Yangon Khuami Timhcia ding in PDF nih Forhfial.SAC ralchanh in dohdalnak pawl fak chinchin in tuah a si cang lai caah Yangon khuasa hna nih ralring tein tthutdir ding le NUG ralthawh thawngthanhnak ttha tein ngeih ding in PDF nih forhfialnak an tuah. Myanmar ramchung PDF bu vialte i fonh in Area 21 timi khuapi raldotu bu an dirh i Yangon mipi timhcia tein um ding in forhfialnak an tuah hi a si.

Area 21 bu cu NUG tlangtlaknak tang ah a cawlcangmi khuapi chung raldotu bu a si ti zong an langhter. Area 21 chungtel vialte hi NUG he pehtlaihnak ngei in mahle sining cio in a cawlcangmi kan si. NUG nih bawmhnak a kan pekmi a um bang in kanmah tein Fund kan i kawlmi zong a um, tiah Area 21 hruaitu pakhat nih a chim. SAC nih Myanmar ramchung khua kip control ding in an i phakzo lo hmanh ah Yangon le Mandalay hi cu fak khun in tlaih an i zuam lai.

Cucahcun, Yangon, Mandalay le Pegu tibantuk khua pawl hi SAC kut an tuar tuk ding kan duh lo,” tiah a chim chap. SAC ralchanh in khuapi chung dohdalnak pawl PDF nih fak khun in tuah an timh cang caah Yangon khuasa hna nih hliamham a pumi pawl thlopbul ningcang thiam i zuam ding in le SAC ralhrang kut in runvennak ngeih cia ding in forhfialnak zong an tuah.

Yangon khuami hna nih mahle si khawh tawk cio in PDF ralkap pawl bawmhnak pek ding zong in cu forhfialnak ah cun an langhter chih. Abiapi bik caan kan nai thluahmah cang. Cucaah, Yangon khuami hna nih NUG thawngthanh hngak in PDF ralkap pawl hi nan ti khawhnak lam kip in kan bawm cio u,” tiah PDF hruaitu pakhat nih Myanmar Now ah a chim. Credit: The Chin Journal

Rise of armed civilian groups in Myanmar fuels fears of full-scale civil  war | Myanmar | The Guardian

Thawngpang dang: Lainawng Min Aung Hliang le a kut taang ralkap pawl taza cuai ding, International Crime Court (ICC) timi vawleicung biaceihnak sangbik ah chuah pi ding timi cu ICC lei nih an cohlan cang tiah RFA nih a tarlangh. Hramhram in rampi uknak a chut tu Min Aung Hliang le a kut taang ralkap pawl nih ram mipi, tlangcung miphun le Rohingya cung ah an tuah mi nuhrin covo buarnak, thah nawnnak le cihmih nak kong he pehtlai in,

International Crime Court (ICC) ah chuah pi ding timi cu ICC lei nih an cohlan cang. Official tein cohlannak thawng an kan thanh cang tiah NUG Cozah nih August 20, 2021 ah an chim tiah RFA nih cun a tarlangh hi asi. Tutan taza cuainak cu a bik in, Rakhine ramkulh chung, Rohingya miphun cung ah nuhrin covo an buarnak, thahnawn nak le tlaihhrem nak, miphun cihmihnak an tuah mi kong ah a si i vawleicung biaceihnak ICC ah pohmah 12(3) ning in taza cuainak tuah a si.

Cu taza cuainak cu ICC lei nih kan cohlan tiah an kan theih ter cang tiah NUG Cozah nih an chim ti asi. Min Aung Hliang le a kut taang ralkap pawl sualnak, thah nawnnak an tuah mi kong taza cuainak cu July 17, 2021 ah khan official tein, thil kal phungning tein ICC ah phak ter a rak si cang. ICC lei nih cu taza cuainak zong an cohlan cang. Tutan ah a bik in ICC ah kan chim te ding mi cu a luancia caan i Rakhine ramkulh chung, Rohingya cung ah an tuah sermi pawl a si lai tiah NUG lei nih an langhter ti a si.

Be the first to comment

Leave a Reply

Your email address will not be published.


*