THONGTLA PAKHAT NIH AN TONMI KONG VIALTE A CHIM PHUAN DIH

Ralhrang kawlralkap nih thongchung ah mi an tuahto ning vialte cu thong in a chuakmi pakhat min langhter a duh lomi a chim. Achimmi cu ram buainak ruangah kannih thongtla pawl cu hmunkhat ah aa kan chiah i, thongchung i, zapi tlonlen khawhnak hmun zongah kannih pawl cu kalnak nawl zong aa kan pe lo. Midang thongtla pawl hna cu zalong tein an tlongleng kho hna.

Kannih ram buainak ruangah thongtlak mi hna cu thonginn chung hmanh ah aa kan thleiden. Thongtla dang ritnak siittha lo ruangah siseh mihlen ruangah thong an thlak mi pawl hna cu khaan zong a dangtein an ngei hna i, an duh paoh in an um pin ah an duhmi thil paoh an cah khawh hna i, zeihmanh ttihmi an ngei hna lo. Nain kan nih cu anmah bantukin kan um kho lo.

Hrem le serhsat zawmhteih kan si i, thleiden in aa kan tuahto. Kanmah chung hmanh ah cawlcanghnak ah hruaitu lutlai lei a si mi hna le bang cu hawi hlei in an hrem hna. A har bik mi cu thong inn chung aa kan khumh hlan ah aa kan hremmi hi a fak in a har bik mi a si tiah a chim. Nai ah ralhrang kawlralkap hna nih minung thonghnih renglo hna cu thonginn an chuah hna. Cuchung ah tthenkhat cu an tonmi kong an chim ngam lo. Thenkhat tunih cun an min langhter loin an tonmi an phuan ve.

Fears grow for hundreds of students arrested in Myanmar protests | Human  Rights News | Al Jazeera

Relchap: Australia Ah Myanmar In Sianginn A Kaimi Hna Cu Ralhrang Cozah Nih CDM Ah I Tel Lo Dingin A Hro Hna! Australia ahhin Myanmar in sianginn a kaimi siangngakchia tampi an um i cu chungah cozah riantuan a simi, cozah bawmhnak in a kaimi zong an tampi. Cu cozah bawmhnak in Australia ah sianginn a kaimi hna cu ralhrang cozah nih CDM ah i tel lo dingin hronak ca a kuat hna tiah theih a si.

Cu cakuat cu Australia hrambunh ABC News sinah a phan i cuticun ABC News nih Myanmar siangngakchia pahnih cu biahalnak an tuah hna. Ralhrang cozah cakuat ah cun nawl na ngaih lo i CDM ah nan tel ahcun fak piin dantat nan si lai tiah an tial. Midang zong i tel dingin sawm hlah u, an ti fawn hna. CDM ah kan i tel lai lo timi biakamnak cu a tlai bik July 7 ah kuat ding ti a si.

Biakamnak tuah cu an duh lo tuk, asinain an tuah lo ahcun Myanmar ah a ummi an chungkhar nih an tuar sual lai ti an phang fawn. Cozah bawmhnak in Australia ah sianginn a kaimi hna cu lungrethei le thinphang in an um ko.Australia cozah nih ralhrang cozah cungah a cawlcangh ning a nem tuk, fak piin dantat phihkharnak tuah seh tiah Australia hlutdaw le Myanmar siangngakchia hna nih biatak tein an forh peng.

Be the first to comment

Leave a Reply

Your email address will not be published.


*