THAWNGTTHA PAKHAT ACHUAK, ASINAIN KHUAPI THINPHANG NGAI ASI

Kawlram mipi dirhmun an vun langhter cu lungrawk taktak asi ko. Ralhrang kawlralkap ruangah hi dirhmun tiang kan phaknak hi a si. Hi tluk in kawlram mipi cungah ralhrang kawlralkap hna nih thil an tuahmi vawlei pi nih a hmuh ko nain an zoh sawhsawh mi hi cu lungthin afak hringhran. Caan a rauh deuh le bang ahcun mipi dirhmun hi thinphang ngai asi timi hmuh khawh asi.

Asinain ram mipi harsatnak a tongmi hna caah samaria mittha an rak chuak cang i, thawngpang ttha ngaingai pakhat cu a si. Kawlram buainak ruangah harsatnak a tongmi ei le din an chanbau cuahmah lio ah World Food Programe nih bawmhchanhnak an tuah cang. Tulio ah kawlram buainak ruangah harsatnak a tongmi hna hi minung 2 million an si cang.

Harsatnak atongmi hna cu World Food Programe nih bawmchanhnak an pek hna lai. Hi bawmchanhnak cu khuapi ah a ummi hna caah siloin khuate ah a ummi hna caah phawtzamh a si lai tiah an langhter. Hi konghe pehtlaiin UN Agency nih a chimmi cu kawlram buainak hi thlaruk a luan ahcun minung 3million renglo harsatnak an tong lai. Cuchung ahcun khuapi ah a ummi hna hi an tuar bik lai tiah a chim.

World Food Programme Insight – Medium

Abiapi ngaimi asi: CDM Supporting Team for Hakha page nih thawngthanhnak a tuah cang. Abiapi ngaimi thil asi caah lailei ramchung a ummi vialte thawngthanhnak tuah cio hna usih. Hakha GTI sianguk Dr. Tluang Za Thang cabia zong an langhter chih. Zapi sin ah thanhnak CDM Supporting Team for Hakha timi page nih atuah mi cu a tanglei bantuk in kan vun langhter tthan.

Ahohmanh Kai Lo Ding. Khah, kan cozah a si lomi ralhrang phu (SAC) nih May 5 in cacawn hram thok dingin nawl a chuah mi kongah Hakha GTI sianguk Dr. Tluang Za Thang nih The Hakha Post ah hitihin a chim. Council zung lei nih May 5 ah cacawn hram thok than dingin thawng an kan thanh. Ca cawn hram thok than ding a si caah sianginn lei rianngeimi hna zong nih a si khawh chung in rak i timlam ve uh. Cun, a tu hi sianghngakchia dihlak siloin Final Year a kai mi paoh an si lai a ti.

Arauh hlan ah Hakha University siseh, adang dang sianginn pawl zong siseh, ca aphan lai. Cun mizapi duhnak zeirel loin ralhrang pawl sal a ttuan rih mi sianguk (principal) pawl nih siang cachim, nulepa le fanau pawl kha sianginn kai ding in an kan forh lai, an kan lemsawi lai i an kan thihphaih lai. Zeitin dah kan leh lai? CDM.

Siangcachim (saya/ma) ahohmanh kai lo ding. Sianghngakchia ahohmanh kai lo ding. Sianginn rianttuantu ahohmanh kai lo ding. MAL salle pawl lawng va kai te hna seh. CDM ti cu anmah fialmi paoh tuah lo ding tinak si khah. Kan cozah a si lomi ralhrang phu (SAC) nih kan khuaram (kanmah) kong ah nawl an ngei lo. Kan cozah a si lomi ralhrang phu (SAC) nih fial chuk, fial cho khawh mi pawl cu Hakha mizapi kan ral an si.

Kan cozah asi lomi ralhrang phu (SAC) kut tangah rian a ttuan rih mi paoh cu Hakha mizapi kan ral an si. Kan cozah a silomi ralhrang phu ( SAC) nawl a zulhmi cu Hakha mizapi zawn ruat loin mah zawn lawng aa ruatmi a hmanmi lam a zul ngam lo mi miralchia an si. Cucaah sianghleirun/sianginn lei ca ( sianginn kai fialnak) a rat tik ah ahohmanh KAI HNA HLAH USIH. Kan cozah nih KAI SI CANG SEH ati tikah nuamtein kan kai te hna lai. Kan tei hrimhrim lai. Teinak ni aneih chin cang. CDM. Credit: CDM Supporting Team for Hakha

Be the first to comment

Leave a Reply

Your email address will not be published.


*