THANTLANG PENG MARA LE KHUALHRING TLANG CAAH THAWNG TTHA TAKTAK

Thantlang Peng Mara Tlang Le Khualhring Tlang Caah Thawngttha Taktak Achuak. (CNLD Vote Pek Dingin Sawmnak) Mara, Khualhring Kia Thy Nahpa CNLD Vote Tei” CNLD nih Thantlang Peng Caah Rualran tein țhanchonak Rianțuan an itimh mi an policy cu a tha taktak. Thantlang peng chungah hin peng kip ah lam le sul cu anmah tawkin an țha ngai ko.

MARA Tlang le Khualhring Tlang cu Peng dang Tlang dang sin ahcun an lamsul hi a chia deuh tuk ticu mithmuh kuttongh asi ko. Khualhringtlang zong khi Falam lei in siseh Thantlang lei in siseh a naite i Center a lai ah aum ko nain An lam khi tlangdang sin ahcun chim awk aum lo a chia tuk. Tlangzar-Leilei siseh Thantlang Khuafo in siseh Furpi chung chim lo țhal caan hmanh ah duhduh mama in kal khawh asi lo.

Mara Tlang cu chim hau lo Lamsul aum lo ti tluk khi asi ko. Peng le Tlangah Mara a chia cem i A changtu ah Khulhring Tlang asi. Zeiruang ah dah irualrannak umloin an lam a chia khun ticu chim hau lo in kan theih viar ko. 2010 USDP Cozah siseh 2015 Cozah NLD nih siseh an daithlanh maw an thleidan hna caah asi hnga. Ruah awk kan thei ve lo. (A ruang cu tampi kan chim lai lo)

CNLD nih 2020 teinak a hmuh ahcun 2021 Budget kum in Thantlang Peng Chung MARA le KHUALHRING Tlang Thanchonak hi aa hmaithlak (ဦးစားပေး) cang lai. Thantlang Peng chungah i rualrannak in Thanchonak tampi tuah ding in aa hmaithlak cang caah Thantlang Peng caahcun thawngtha taktak asi.

Abik in MARA le KHUALHRING Tlang nih Lungfim a cuu cang. Atu 2020 thimnak ah Thantlang peng dihlak nih Cun A bik in MARA le KHUALHRING tlang nih Miphun a dirkamhtu Party CNLD kha vote rak pee hrimhrim hna ko u. A party zoh bak in CNLD kha vote dingin kan sawm hna. Kan i chir hrimhrim ti lai lo. Thantlang Pengah 2021 Lai Party Niceu dawh chuak ve cang seh. Credit: Jacob R Thang

Be the first to comment

Leave a Reply

Your email address will not be published.


*