SUU KYI UMNAK AN THEI TILO, AN LUNGRETHEI TUK CANG

Aung San Suu Kyi umnak an thei ti lo, NUG zong a lungrethei ngai cang. NUG nih thanhnak an tuahmi cu Aung San Suu Kyi umnak kan thei ti lo, a cungah pakhat khat a tlung sual lai ti kan phang ngaingai tiah June nikhat ah thanhnak an tuah. Thanhnak an tuah mi ahcun May ni 24 ah Aung San Suu Kyi le U Win Myint cun Dr Myo Aung hna cu Napyidaw council hmun pakhat ah ralkap lei nih an caah biaceihnak hmun an tuah piak hna i, cu ahcun an mah muilangh in an um.

Mah an i langh hnu ah an umnak hmun an tthial hna i hmudang ah an chiah tthan tiah rinh a tlak mi sin in thawng kan theih tiah NUG cozah nih a chim. Ralhrang hna nih an chiahnak hmun adang tein an tuah ti theih sihmanhsehlaw ralkap lei nih cun thlali a liam hnu tiang zongah zeihmanh an chim duh lo. May ni 24 i bia an ceihlio zongah Suu Kyi a umnak hmun atheih lonak a chim.

Asinain ralhrang kawlralkap nih court an tuah chommi hmun ah an um lio hmanthlak an langhter. Kha lio kha a voikhat nak ralhrang hna nih an tleih hnu ah an muisam le an hmanthlak an langhter a si. Cu hmanh cu court ah a chuah caah a si i, thinlung a nuam lo tuk hringhran tiah Social media ah an tial hna. Asining ahcun Suu Kyi hi adam ko timi rammi pi hmuh ah langhter an duh caah a si.

May be an image of one or more people, people standing and indoor

Abiapi ngai mi Malaysia ummi nih Relchih: Lockdown chung Australia Visa Interview an Ngol lai lo. Malaysia lockdown (June 1 – 14 ) chung Australia visa online video interview an ngol lai lo. Asinain a dangdang kutpi nam (biometrics), minthut (statutory declaration signing) le visa lak (Immicard signing) tibantuk cu an ngol chung rih lai. June 14 hnu ah thilsining zoh in pehzulh asi than te lai.Covid zawtnak le Malaysia SOP ruangah online video interview an tuahnak hi asi. Cuaah March 2020 hlan i chungkhar rualchan auhnak a rak tuah i cohlan lonak ca (refusal letter) kuat asi lomi poh nihcun email check le phone tlaih daithlan lo a herh ngai.

Malaysia le Australia cu March 2020 thok in a tu tiang khualtlawn kal um khawh asi rih lo. Kalter awk tha lo asimi (emergency case) lawng kalter le luhter an si. Cucaah March 2020 hlan i visa a rak la cangmi zong a tu tiang kal kho loin a ummi tampi kan um.A tu lio ahcun mi zei an si hmanh ah Australia kal duh ahcun Australia cozah (Department of Home Affairs) ah khualtlawn khawhnak lehhmah (travel exemption) sawk ta hmasa a hau. Cu travel exemption sokmi cu ABF (Australian Border Force) ) ramri vengtu nih pek hnu lawng ah luhkhawh asi.

Asinain ralzaam (refugee and humanitarian visa) asimi nih cun travel exemption hi mah tein sok a haumi si lo. Na sining zoh in kalter awk tha lo dirhmun na si ahcun khualtlawn phihkhamnak in na luat khawhnak hnga an mah (Australia Tanzung le IOM ) nih an in tawlrelpiak lai. Visa a la cangmi nih Malaysia ah dirhmun chia ngai na si ahcun Australia Tanzung ah na konglam ca tial khawh asi.March 2020 hlan i prospective marriage visa (nuva aa thi um ding) a rak sokmi hi an zawn an ruah ngai hna. A tu an auhmi tete hna zong an tam ngai.

A kal khomi tete zong an um len. Covid ruangah puai tuah manh lo in an i phiat than sual lai ti an phang pah i si men lai. Nain mah hi visa cu ralzaam visa (refugee visa) asi lo caah mah tein zeipoh i tawlrel dih a haumi asi. Travel exemption zong mah tein sok a hau. Cheukhat aa fiang lomi kan tam ngai caah hernak a tongmi tete zong kan um len.Australia cu 2022 kum cheu hrawng lawng ah ramri (international border) kan on khawh men an ti caah fawi le bai ah hlan bantukin zalong tein luh le chuah khawh dawh asi rih lo. CRC Malaysia

Be the first to comment

Leave a Reply

Your email address will not be published.


*