SUU KYI KONGAH RALHRANG KAWLRALKAP AN I THAT

Aung San Suu Kyi kongah ralhrang an i that. Matupi ah a um mi ralkap chung ah zumh lonak a um i ralbawi pakhat meithal in kahthah a si hnu ah meithal kaptu pa zong a mah le mah aa that ve tiah theih asi.Ralkap chung ah biathli a um, cu biathli cu Cenan (ကြေးနန်း) in an i thanh mi a si. Cu ahcun hi biathli hi leng ah a chuak te lai ti bantuk in siseh hi bantuk a dik lomi bia hi a ho nih dah a zumh lai tiah ralkap karlak zumh lo nak ruang ah tu bantuk meithal kahnak tiang a chuah hi asi.

Aung San Suu Kyi hi thonginn in kan chuah ter lai, cun rampi election tuah ding in kan timh tuah lai timi Cenan (ကြေးနန်း) cakuat cu ကြေးနန်း Saya pa nih an ralbawi pa cu a rel piak. Cu lio ahcun an pawng a um mi pakhat pa nih cun zumh a um lo tiah a au. Cun meithal aa lak i ralbawi pa cu meithal in a kah i a thi. Matupi khuapi ah a um mi Ralkap Kha-Lah-Yah 140 chung ah a cang mi a si” tiah Kanpetlet Time News nih a tarlangh.

Hi Cenan (ကြေးနန်း) cakuat hi nihin August 30, 2021 ah ralkap dihlak an kuat mi hna a si. Ralkap chung in tlik le zaam a tamtuk cang caah, ralkap a taang mi pawl hlen khawh nak ding ah tiah an kuat mi hna asi. Tuah taktak zong an timh mi si lem loin Ralkap CDM an tuah ti lo nak ding ah tiah ruahchannak pek bantuk in hlennak an tuah mi asi. A si nain Matupi um mi ralkap pakhat nih cun a zumh lo caah an ralbawi pa zong meithal in a kah i a mah zong aa that ve ti asi.

Location of Matupi District Office Complex Finally Confirmed | Burma News  International

Thawngpang Dang:Mindat ah CDM a tuah mi Ralkap (10) hna cu atu hi Uico Ralkap pawl nih biatak tein an kawl cuahmah hna tiah an tarlangh. Chin ramkulh, Mindat peng ah an rak chiah mi hna Ralkap Tatzin chung in ralkap (10) leng hna cu August (26) ah khan an hriamnam, thilri dihlak i put in an zaam, CDM tuah ding in an zam tiah The Irrawaddy News nih cun a langhter.

Kawl Ralkap (10) leng a zaam mi hna cu a dang ralkap pawl nih biatak tein an kawl cuahmah hna. Mindat khuapi siseh, Mindat peng khuate tiang in heh tiah an kawl hna. Zaantim le khuamang siseh, chung lailing pi zong ah inn kip ah ralkap an lut i minung cazin an check hna ti asi.Ralkap meithal, hriamnam le thilri tling tein a zam mi hi (10) leng an si tiah an chim.

A sinain a tu tiang ahcun Chinland Defense Force (CDF) sin zong ah an rak i fonh rih lo. Cun zeibantuk Tatzin dah an si timi zong mipi lei nih kan thei rih lo” tiah Mindat mipi uknak lei tuanvo ngeitu nih The Irrawaddy sin ah a chim. Cu ralkap a zaam mi pawl hi CDM tuah ding in, an thilri dihlak i ken in a zam mi an si. A sinain a tu tiang ralkap dang nih an kawl hna nain an hmu kho rih hna lo, cu pin ah CDF sin zong ah an i fonh rih lo, an umnak taktak theih a si rih lo tiah The Irrawaddy News nih a langhter.

Be the first to comment

Leave a Reply

Your email address will not be published.


*