SUALNAK NGEILO MIPI AN THAH MI ZAT AN LANGHTER CANG

Ralhrang phu nih nawlngeihnak an lak ni (205) chung ah thah a tong mi minung 1014 tiang an phan AAPP nih August 24 ni tiang cathanh an chuah mi ah Kawlram chung ralhrang phu hna nih nawlngeihnak an lak ni (205) chungah sualnak ngeilo mipi nunnak (1014) cu ralhrang phu hna kut in thah a tong mi an si tiah tehih a si.

Tlaihkhih a tong mi dihlak hi 7470 tiang an phan i,tu ah thlah a si rih lo mi hi minung 5551 an si.Tlaih ding in cathanh chuah a tong mi dihlak hi (1984) an si.Hramhram nawlngeihnak la tu ralhrang phu hna nih hramhram in mi an thH tambik nak hmun hi Yangon in a si, Mon ramkulh chung ah nunnak liammi minung 10 an si i, tlaihkhih a tong mi (400) tiang an phan tiah theih a si. TCP

Adang Thawngpang:PDF vialte rak i ap dih uh nan i ap lo a si ahcun nan ci hmih dih nan si lai tiah hrocernak bia an tar cang. People Defense Force PDF hna cu nan hriamnam chia ulaw, rak i pe cang uh. Cun PDF pawl hriamtlai pawl an cawlcangh ning vialte rak thanh uh timi hrocernak ca cu atuhi Yangon Township hmun tthenkhat ah an langhter tiah social media cahmai ah an tar langh.

Mah ca an langhtermi or an tarmi ahcun People Defense Force pawl nan hriamnam chia ulaw rak i ap uh. Nan rak i ap lo a si ahcun nan ci hmih dih nan si lai tiah an tial i, mah cu pawl PDF hrocernak ca hna cu Electric hna ah an tar hna. Culawng siloin NLD Party nih hin kum 2020 thimnak ah vote an fir i an suaksam. Zertian in thil an tuah ruangah atu ahcun vote fir party an si cang.

A dir kho ti ding zong an si ti lo. Cucaah cun rem le hnangam tein um a duhmi Mipi vialte hna people defense force ralkap konglam report tuah hna ulaw an konglam a rak chimphuangtu hna cu laksawng pek nan si lai tiah an langhter chih tthan. Hi konghe pehtlaiin nizan tihni ralhrang kawlralkap meeting an tuah lio ah lutlai tthenkhat hna nih Min Aung Hlaing sin ah Dalan pawl hi laksawng pek hna ding an si tiah halnak an tuah.

Be the first to comment

Leave a Reply

Your email address will not be published.


*