SHAN RAM AH NUPA HNA NIH AN FA LE MINUNG PALI AN ZUAR HNA

Kawlram ah nupa hna nih an fa le minung pali an zuar hna. Shan ram Loi Lin district, Pang Long Myone Naung Lai khua ah nupa hna nih an fale minung pali hna cu kan zuar tiah mipi sin ah an chim. Hi konghe pehtlaiin Ying Khine Hlaing nih a chimmi cu Puai tuahnak ah hngakchia an zuar timi thawngpang a chuah caang ka in ka va zoh hna.

Hngakchia pali an si i, nu pahnih le pa pahnih an si. Upa bik hi kum te lawng asi rihmi pa hngakchia a si. A vun chang hi kum a simi Nute a si. Adang pahnih cu kum hnih a simi le thlaruk lawng asi rihmi hngakchiapa an si. An mah hi khuate in a rak ra mi an si tiak ah duh ning in chawnhbiak khawh an si lo. Hringtu nu zong hi hawi a tluk lomi ko khi alo.

A donghnak ahcun mipi hna nih tangka tinghnih le ei le din an pek hna hnu ah an khualei ah an kir tthan. Cu hnu ahcun ka chawn kho ti hna lo tiah a chim. An fale a zuarmi hna nupa hi kum 30 hrawnghrang minung veve an si. Naung Lai timi khua ah miphun puai an tuah i, cu puai ahcun an kal ve. An harsat tuk ruangah an fale pali hna cu kan zuar tiah mipi sin ah an chim.

Cuti in an fale an zuar hna lio ahcun an fale i upa bik a simi cu nu pakhat nih keimah nih kan cawk hna lai tiah an ti hna nain, an fate nih cun a duh lo i, a nu le pa hna cu ttah buin a nawl hna i, nu pakhat zong nih cun a caw thai hna lo tiah an chim. A donghnak ahcun mipi hna nih tangka an pek hna i, an khua lei ah an kir tthan tiah an chim.

Relchih Thawngpang Dang:Ralhrang kawlralkap pawl khuachung ah an rak luh tthan ruangah Khuami hna cu an zaam hna tiah an langhter. June thla ni 21 zinglei ah Sagaing region Yinmapin peng Banh Bwe khua chungah ralhrang kawlralkap thaazaang tampi cu an rak luh hna caah khuami hna cu a himnak hmun panh in ram tang ah an zam. Hibantuk in khuami pawl ram tang ah an zam hi a voi hnih nak asi cang tiah theih asi.

Zinglei nazi 11 hrawng ah ralhrang kawl ralkap pawl cu mawtaw a ngan mi 4 in minung 80 hrawng an vun I cit I khua chung ah an rak lut tiah thawng kan theih. Thawngpang kan theih in ramtang ah kan zam dih hna tiah khuami pakhat nih Mizzima ah a chim. Banh Bwe khua ah hriamnam pawl an chiah hna tiah ralkap lei nih thawng an theih caah hi tiin ralkap thazang tampi he an rak luh nak hi asi.

June thla a zarh hnih nak ah Banh Bwe khua he meng khat a hlat nak Si Laung khua ah ralkap le PDF pawl an rak I kah lio zong ah ralkap pawl cu Banh Bwe khua chung ah an rak lut bal. Cu an rat lio ahcun kum 20 a simi Ma Mar Kyi cu a ttang ah ralkap nih meithal in an rak kah caah a rak thi. Si Laung khau ah ralkap le PDF an rak i kahnak ah PDF lei in minung 2 an rak thi tiah theih asi.

Thawngpang dang: Khuami nih an thinphannak kong Ralttha taktak in khuami nih an chim cang. Kawlralkap hna nih khuachung i, biakinn siseh Sizung le cozah zung pawl ah um hmun khuar in hmunhma an lak mi cu kan duh bak lo tiah Doh Phung Yan khuami hna nih an langhter. June thla ni 20 zinglei thok in ralhrang kawlralkap hna nih an thazang minung 200 leng cu Doh Phung Yan khua chung ah an luhter hna.

Khua chung ah ralhrang kawlralkap hna cu phungki cawng, siizung le sipin zung hna ah hmunhma an lak caah hmailei I a cang ding mi buainak pawl kong he pehtlai in kan lungre a thei tuk tiah khuami pakhat nih KNG media ah a chim. Khua chung I hmun 6 hrawng ah ralhrang kawl ralkap lei nih hmunhma an lak caah mipi lei nih kan thin a phang.

Zei khuaruahnak he dah an rat cu kan thei lo. Khua chung ah an duh ning in check hlai nak le thih pheih nak a um sual lai ti kan phang. Siizung le phungki cawng chung hmanh ah ralkap 100 leng an um tiah cu khuami nih cun a chim chap. Cu tiin khuachung ah hmunhma a la mi ralhrang kawlralkap hna cu brigade 88 an si tiah khuami hna sin in theih asi.

Be the first to comment

Leave a Reply

Your email address will not be published.


*