Saya Tluang Ceu Thang Kan Chin Ram Canaan Ram Ah A Ser Tu Ding Cu CNLD Lawng An Si

Chin ram Canaan ram ah a sertu ding cu CNLD lawng an siLairam sersiamnak caah Laimi nak a biapi deuhmi hohmanh an um lo. Kawlpa nih Lairam ka dawt a timi cu chikhat caah lawng a si. Chin mi lawng nih Chin ram a sersiam khawh lai.Cucaah Chin ram a thleng i a sersiam tu ding cu zei dang party an si lo.

CNLD lawng a si. Kan fian khawhnak dingah Israel miphun tuanbia ka lak lai.Israel miphun cu sal an sinak in Pathian nih a chuah hna i Canaan ram ah an lut. Canaan ram (land of Canaan) timi cu Israel ram (land of Israel) ah an ser i an ram cu Cawhnuk le khuaitizu luannak ram ah a cang. Cucu a ruang a um.Canaan ram an luh tikah Israel miphun nih fekthup in an i tlaihmi phung a um .

Cu hna cu Hmunkhat te um ding, Holh pakhat te hman ding, Pathian pakhat biak ding timi phung an ngei. Cun an pupa hna zumhnak, nunphung le biaknak zeitikhmanh ah thlau an i tim lo kilven tu an i zuam zungzal. Cucaah nihin ni tiang an pupa hna thlan hmuh awk in an chiah khawh.Cu ti cun Israel mi nih an holh, an ca, an nunphung le an biaknak an dawt i an kilven caah Vawleicung mifim bik le thawngbik cazin ah an um hna.

Atu lio Vawlei cung ramthawngbik le rumbik timi US zong khi Israel miphun nih Influence a tuahmi a si. A rum deuh le a fim deuh timi pawl hna zong Israel (Judah) hrinsor an si hna.Ramdang dang milar le mirum deuh timi zong anmah cithlah deuh an si hna. Tuanbia ah a lar ngaimi pakhat cu, 1948-1973 (kum 25) chungah Israel cu Arab ram timi Egypt, Syria, Tranjordan, Lebanon le Iraq nih an rak tuk. “Arab and Israeli War,” ti a si.

Voi tampi, phun tampi in an tuk len nain Israel a teimi an um lo. Israel nih a tei peng hna.Cucaah kannih Chin mi zong nih Israel bantuk in kan ram, kan biaknak, kan nunphung, kan ca le kan holh kilven a herh. Kan theih ding cu cu thil vialte kilnak caah kanmah nak in midang uar hlah u sih, Kawl pa kha bochan hlah u sih.Israel mi nih an ram sersiamnak le an miphun humhimnak caah midang an bochan bal hna lo.

Tutan Kawlram thimnak zongah kan ram le kan miphun party simi CNLD mee pek ding a si.An policy hrim ah Pupa ram vialte lak than, kan holh le kan ca kilven le thancho ter i cun eihmuar nak doh an i tinh. Kan Chin ram le miphun nih cu nak tha deuh le kan herhmi policy zeidah a um ti? Kawl pa nih kan ram a sersiam lai tiah zum hlah. Chin ram Canaan ram a sertu ding cu CNLD lawng an si.

“Go and vote CNLD”

Crd, Saya Tluang Ceu Thang

Be the first to comment

Leave a Reply

Your email address will not be published.


*