RIP. SUALNAK NGEI LO RALHRANG THAH MI A RUAK AN LAWIPI CANG

Zei sualnak ngei lo Daih Oo ah Ralhrang Kawlralkap nih an kah ruangah a thi mi U Aung Kyaw Moe a ruak cu chungkhar inn a phan cang.Paku region Daih Oo peng ah tuni zanlei ah Myothit sang ah a ummi U Aung Kyaw Moe cu ralhrang kawlralkap kah nak ruang ah a thi tiah theih asi. May thla ni 17 zan nazi 7 hrawng ah khuachung ah ralhrang kawl ralkap lei nih mipi cu kah hram an thok hna.

May be an image of child and indoor

Cuti i, ralhrang hna nih an kah hna ruangah Myothit sang ummi mipi minung 3 an zam hna.Ralhrang pawl nih a zammi hna cu an hmuh hna i, an dawi hna I an kah len hna tiah theih asi. Tuan deuh zongah Daih Oo khua chung ah bomb a puak I mah hnu cun ralhrang kawlralkap lei nih khuami cu an buai hnawh peng hna. Cun ralhrang hna nih zan ah chuah lo dingin thanhnak an tuah hlan zong ah an kah rih hna ti asi.

No photo description available.

Tutan ah a nunnak a liammi U Kyaw Moe zong a mah tein lam ah a chawk len lio ah meithal thawng a theih caah rianrang in a tli. Cu a tlik lio ah meithal in an kah I a kut le a ke ah an khenh. A thi tamtuk a chuah caah a nunnak aliam colh tiah khuami pakhat nih a chim. U Kyaw Moe cu a nupi le a fa le he Myo Thit sang ah a um mi an si.

May be an image of child and indoor

Thawngpang Dang Relchih:Mindat ah a cang mi kahdoh nak ah Ralhrang Kawl ralkap lei nih chemical hmanmi hriamnam pawl an hman tiah Mindat CDF nih an lunghrinh. Chinram Mindat khua a hnu lei lam Mindat-Matupi lam pi ah ralhrang Kawl ralkap le CDF pawl karlak ah kah doh nak pawl a um rih I ralkap lei nih chemical a tal mi hriamnam pawl an hman ko la tiah CDF lei nih thawng an thanh.

May ni 12 lio ah Matupi in a ra mi ralkap mawtaw 6 cu lam ah CDF lei nih voitam tuk an tuk caah Mindat khuachung a phan kho lo. Ralkap lei nih RPG le hriamnam ngan tampi an hman tiah theih asi. Mindat he meng 16 a hlatnak ah ralkap lei kuan a dih caah Matupi lei ah mi bawmh an hal auh hna. May ni 17 ah meng 30 le 40 karlak ah I kah nak a um than I cu ah cun ralkap lei nih a hlan I an rak hman tawnmi hriamnam ngan hmang loin chemical a talmi hriamnam an hman tiah kan zumh.

Hi konghe pehtlaiin fiang tein ralhrang kawlralkap hna nih sivai tthalo an hman lai tiah an zumhnak a ruang bik cu CDF kan ralkap pawl cu bomb le meithal kuan nih a khen hna lo. Asi nain CDF pawl hna cu lungmit, luak luak in lam hmanh an kal kho lo hruai chawm hau tiang in an um tiah CDF lei nih ca an chuah.

Be the first to comment

Leave a Reply

Your email address will not be published.


*