NGEIH ACHIATUK EE, PENG AWI NIH MUAL AKAN LIAMTAK

Apoituk hringhran Miphun le ram caah nunnak pek in rian attuanmi CNF/A ralkap atuan cuahmah liomi Peng Awi nih hi vawlei nunnak mual akan liamtak timi thawng vun theih cu lung afak in ngeih a chiatuk hringhran. Chin miphun pasalttha kan sungh asi ko. Tutan ah ngeihchiatnak thawngpang konghe pehtlaiing atanglei bantukin alanghter.

No description available.

Salai Ngun San Aung nih Peng Awi ka naupa Miphun le ram caah mitfang bangin kan zohthla hna lio ah na lungdong ruang ai mu. Na kan roh takmi Chin Miphun le ram kilvennak rian ah na siaharh hlah mu nau pa, aharh mi rian paoh ikhinh tikah timhcia kan si ko. Kan in philh bal lai lo. May Your Soul Rest In Peace! Respect tiah alanghter ve.

Culawng siloin Rev Thuang Hre nih angaihchiatnak zong comment in alanghter. Nan unau tein kan miphun nih kan in zohthla cuahmah hna lio ah mual na kan liamtak tuan cu ngaih achiatuk hringhran ee, na kaltak mi chungkhar, ahlei in na uu le, na ttuan hawi an dihlak Bawipa Pathian nih intuar khawhnak tthawnnak teinak kan pekpiak ko hna seh.

No description available.

Na nunnak liam hmanhsehlaw miphun na dawtnak lungput le na tial takmi tuanbia kan miphun nih kan philh lai lo. Sian lo bu tein liam ai kun law tiah alanghter. Chungkhar nulepa unale nau vialte kaltak in siseh hawi bantuk in nuamhnak hlawhtlinnak vialte kaltak in Chin miphun caah tiah nunnak le thisen thap in meithal a tlaimi CNF/A ralkap hi upat awk tlak taktak, pasalttha taktak cu an si.

Hi chungah atu bantuk in kan nau Peng Awi nih mual a vun kan liamtak hi cu lung afaktuk hringhran ko mu. Tantakmi chungkhar vialte nan dihlak bawipa nih tuar in khawhnak inpe ko hna seh. Khuaza ramkip chin miphun vialte hna zong nih thlacamnak in bawmcio hna usih.

Be the first to comment

Leave a Reply

Your email address will not be published.


*