RALKAP RALHRANG PAWL CU AN THAH THLUAHMAH KO HNA HIH

Thawngpang ttha ngaingai siko. Kawlralkap ralhrang tam lak te an nunnak KIA nih an lak tthan hna. Tlangcung hriamtlai KIA nih nizan ah khan Kachin ramchung a simi Mohyin peng ah ralhrang kawlralkap hna an bawh hna i, an tthuat hna. Hi i kahnak ah ralhrang kawlralkap hna cu minung tam ngai an nunnak aliam tiah theih a si.

Tutan KIA nih ralhrang kawlralkap pawl an kah hna ah hin ralhrang kawlralkap motor zong pali an kahchiat dih. Cun ralhrang kawlralkap hna cu a tlawm bik ah minung pakul cu an nunnak a liam lai tiah DVB thawngzamhnak nih cun alanghter. Asinain hi ikahnak ah hin KIA lei minung zeizat dah an nunnak aliam i, minung zeizatdah hliam an tuar timi theih asi lo.

Kawlralkap ralhrang hna nih hramhram in uknak an lak hnu ah KIA le ralhrang kawlralkap karlak ah i kahnak hi nifatin ti awk in a um peng. Cu lawng siloin KNU le ralhrang kawlralkap karlak ah i kahnak a um lengmang. Tlangcung hriamtlai hna nih tam ngai an thah cang hna. KNU le bang cu ralhrang ralkap hna nih cunglei raltuknak vanlong tiangin an kah hna.

No description available.

Theihphu:Ralhrang KawlRalkap pawl nih an mah nawlngeihnak a hmunh khawhnak ding caah tiah an suai mi 2008 Kawlram phunghram (Constitution) pi cu nihin thok in hrawh dih a si cang tiah CRPH nih official in thawngthanh nak an tuah taktak ko cang. Kum 2008 Phunghrampi kan hrawh ti lawng hmanh si loin an hrawhnak a ruang zong fiang taktak in an langhter chih. Cu an langhter mi ahcun,

Pakhatnak. Union of Burma ah a um mi, Tlangcung miphun hna le Miphun dihlak nih kan duhbik mi Tluk ruannak, I khat dihnak, Zalonnak, Mah tein khuakhan Lairelnak vialte a um khawhnak ding caah dawn tu a simi 2008 phunghram cu hrawh a si cang. Pahnihnak. Kum 2008 phunghram cu Ralkap nih an mah duh ning tein an suai mi, an chuah pi mi asi. Hi phunghram hi Federal Democracy a chuah khawhnak ding ah dawn tu zong a si caah kan hrawh ti asi.

Pathumnak. February 1, 2021 ah Ralkap Council nih an mah suai mi 2008 phunghram pi cu an buar riangmang i rampi nawlngeihnak hramhram in lak an i timh, Cu caah an mah lila nih an suai mi phunghram an buar ni bak khan hi phunghram cu rinh awktlak a si ti lonak zong fiang tein a lang cang i an mah lila nih an hrawh cang timi zong a langhnak asi.Tutan ah thil point (4) in an langhter i a donghnak bik Number(5) ah fiang tein an telh rih mi cu Nihin March 31, 2021 thok in 2008 phunghram pi cu a dihlak in hrawh le hlonh a si cang” tiah fiang ko in an langhter.

Be the first to comment

Leave a Reply

Your email address will not be published.


*