RALKAP LE NLD AN BUAITUK CANG, MIN AUNG HLAING ATHIN HUNGTUK

Myanmar Politic Abuai, Hluttaw An Tuah Kho Lai Maw, Ralkap Le NLD An Buai. Myanmar ram Politics kong Analysts tuahnak. Ex- UNO Chief Koffi Annand nih Myanmar ram cu “One Nation, Two Governments” ( Ram Pakhat Cozah Pahnih) a rak ti bang, kawl ram cu Ralkap nih Phunghrampi tangah cawlcang kho lo in an hren dih caah Myanmar ram cu Politics buaiin kan buai dih cang ko.

2020 thimnak ah USDP le Ralkap nih NLD le UEC lei nih dik lonak in Votes an fir tiah an puh i, President U Win Myint le UEC Chairman U. Hlah Thein pinah Midang 18 hna cu Supreme Court ah an khin hna i, 29 January,2021 ah hin Online in biaceih tlak le tlak lo kong an ceih lai.Ralkap nih cun 2020 thimnakah NLD le UEC nih Myanmar ram chung States/Regions-14 i township 317 ah Votes dik lo/ firnak Millions-7 hlei a um tiah thawng an thanh cang.

Cucaah, USDP, ANP le Ralkap MP 204 rual nih Phytaungsuh Hluatdaw hlun cu Meeting kan auh piak uh ti’ah an hal na’in Phytuh Hluatdaw Chairman U.T Khunmyat nih UEC le Election kongah Meeting kan auh kho loh. 2021 MP thar Hluatdaw cu February 1,2021 ah tuah dingin kan auh cang tiah an duh loh.Cucaah Ralkap bawizik Sr General Min Aung Hliang cu a thin hung tuk i, January 20,2021 ah khan Ralkap nih NLD Cozah cu ” 14 Points Statement” a chuah i, Point 11 nak ahcun, Myanmar Constitution Section 20(e) le Sub-Section(f) ningin Rampi le Democracy humhim nakah a herhningin Ralkap nih kan humhalh lai ti’ah Warning an pek cang.

Daw Aungsan Suukyi nih cun ram Mipi nih NLD Cozah an kan thimmi kan si tiah zeirel loin kal pi chih an i tim i, Suukyi cu National Counselor ah kan chiah than lai tiah Dr. ZawMyintMuang nih a phuan. Cuca’ah Ralkap nih 24/1/21 ah khan, Election Votes diklo nak kong hi Cozah, Hluatdaw Zungpi le UEC nih nan ceihkhan hrim hrim a hau tiah Warning an pek than caah tulio Myanmar ram Politics cu buaibai thinphang nakin a zel ko.

Kan hnu lei zarhah khan, Army Chief Sr.General Min Aung Hliang nih Nyphidaw Capital Army Commander thar ca’ah Major General ZawMyo Tint(52) cu a chiah i, Reserves Lt. Generals 6 cu a dang tein a chiah hna. Cu hna cu, Lt.Gen Thun Thun Nawng, Lt.Gen Min Nawng, Lt.Gen Lu Aye, Lt.Gen Tin Muang Win, Lt.Gen Mg Mg Aye le Lt.Gen Than Thun Oo pawl an si. Cun, Tianghmu (Div. Commanders) tampi a thial i a thar a chiah hna. Yangon ah Maj. Gen- Nyut Win Shwe, Central Command ah Maj.Gen- Ko Ko Kyi, Southern ah Maj.Gen-MyoWin, Northern ah Maj Gen Deta Kyaw, Western ah Maj.Gen- Thin Let Oo,Northwestern ah Maj.Gen-Mo Myo Aung, Southwest ah Maj.Gen-Aung Aung, Southeast ah Maj.Gen-Ko Ko Muang le Golden Triangle Command ah Maj.Gen-Khin Hliang hna an si.

Cu a si caah, Daw. Aungsan Suukyi hi Politics a thiam loh ti’ah micheukhat mithiam pawl nih an sawisel ngai ngai. Suukyi nih hin NLD, Ralkap le USDP he biaruahnak(Diplomatic)atuah ding asi tiah Chinese Foreign Minister zongnih advice a rak pe cang tiah min langhter lo NLD EC pakhat nih a chim tiah theih asi. Cucaah, tulio cu ram chung hriamtlai Taingyinta pawl he zong rem nak kong ceihhmai khawh asi lo ti’ah thawng theih asi. 29/1/2021ah Michael Kyaw Myint hruaimi Ralkap thlawptu(Supporter) pawl le USDP pawl nih Nyphidaw ah Zinglei 8: 00AM- 6:00 PM tiang Lamzawhnak(ဆန္ဒပြ) an nei lai i, Army Chief Headquarter, Zeyah thirih, General MinAungHliang Zung hmai ah UEC le Cozah duh lonak tuah an i timh.

February 1,2021ah Phytaungsuh Hluatdaw an tuah khawh asi ah cun, 2021 Myanmar Cozah thar sernak an tuah cang lai i, Central Cozahpi le States/Regions Chief Ministers pawl ding zong an thim tha’n lai ti’ah Dr.Myo Nyunt nih a chim. An chim ningah( Leaks News) President thar ah Dr.Tin Myo Win, Vice-President(1)Mann Win Khine Than, Vice-President(2) Lt.Gen Yaa Pyih; 1.National Reconciliation Ministers ah Kyaw Tint Shwe, Deputy Minister Hau Do Suan,

Pahnihnak. Counselor Office/General Administration Minister U Min Thu, 3. Information& Public Relation Minister Myondwa AungSinn, Deputy Minister U. Zaw Twe, 3, U. Thant Sin Muang ( Transportation), Dr.Zaw Min( Edu)Dr. Kyaw Lyin( Construction)U.Maw Tha Twe(Electricity) U.Win Khian( Energy) Dr. Min Thun ( Health/Sports)Dr.Win Myat Aye(Social/ Rehabilitation) pinah a dang zong an thim tha’n lai ti’ah thawng theih asi.

States/ Regions CM cu a cheutluk 50% cu thlen an si lai ti’ah Spokesman Myondwa AungSinn nih a chim; CM ding min a tel an ti mi pawl cu- Dr. Zaw Myint Muang, Dr. Myo Aung, Daw May Win Myint, Daw Sanda Min, Dr. Aung Kyi Nyut, Daw Khin San Hliang, Daw Pyuing Keety Hliang, U. Thein Shwe, U. Soe Htet pawl an si. A tu CM a tuan liomi hna cu; Phyue Min Thein (Ygn) Dr. Zaw Myint Muang( Mdy) Dr. AunhMoNyue ( Magwe) Dr. Myint Niang( Sagaing) U. Myint Thein ( Pegu) U Hlah Mo Aung( Irrwd) U Myint Muang (Tanintary) Dr.Lyin Thunn( Shan)Dr. Khet Aung ( Kachin) Salai Lian Luai ( Chin ), Daw Nan Khin Thwe Myint( Karen) U Pous Kow ( Kayah) Dr. Aye San ( Monn),U Nyi Puh( Ra -khiang) hna an si.

Zeipoh asiah, 29/01/2021 ah President U Win Myint le UEC Chairman U Hlah Thein hna cu Supreme Court Chief Justice U Thun Thun Oo le Judge Pahnih hmaiah an bia ceih/ zoh ding asi. 01/02/2021 ah Phytaungsuh Hluatdaw koh asi pinah Election Commission nih Complain (စွဲဆိုချက်အမှု) kan ceih cang lai an ti fawn caah, hi KARLAK te hi Myanmar ram Politics caah tihnung ngai ngai caan karlak te asi. 31 March,2021 ah Cozah hlun dih i April 1,2021ah Cozah thar a kai ding asi. Zei dek lawh te lai. Credit:MC Biklian

Be the first to comment

Leave a Reply

Your email address will not be published.


*