RALHRANG SIN AH THAWNG A PETU AN RAK UM DIAM, APOI TAKTAK

Apoi ti leng cun chim dingdang a um tilo. Tuzing Kalaymyo ralhrang kawlralkap le mipi rungvengtu i kahnak ah ralhrang ralkap lei ttang in mipi cawlcanghnak vialte a thlithup in thawng apetu an um tiah an theih hna. Theihcio bangin tuzing kalaymyo i kahnak cu ttihnung ngaingai asi. Ralhrang ralkap hna nih hriamnam ngan an hman ruangah minung tam ngai an nunnak aliam.

Tuzing i kahnak ah mipi kilvengtu chungin minung pathum a nunnak aliammi an um, tthenkhat nih cun minung panga a nunnak aliammi an si cang tiah an chim. Cun hliam a tuarmi zong minung hleiruk renglo an si tiah an chim. Tuzing i kahnak ah ralhrang ralkap hna nih bomb tiangin an hman caah mipi lei cu hnu ah an kir i, hmunrem ah an um ti a si.

Tuzing i tukdohnak caan ralhrang kawlralkap sin ah a thlithup in thawngpang a petu an rak um diam. Thawngpang an theih ning in ralhrang kawlralkap hna nih mipi inn chung tiangah an luh hnawh i, tleih dingmi an kawl hna ti asi. Cun an tleihmi hna zong an um tiah theih rih a si. Apoi taktak mi pakhat cu mipi caah rian an ttuan cuahmah lio i, ralhrang lei ttang an rak um mi hi asi.

Kalay mipi humhhimtu hna nih thih le thih nun le nun in biatak tein ralhrang kawlralkap an doh cuahmah lio ah mipi chungin ralhrang kawlralkap sin ah biathlithup a rak petu an rak um diam. Tuzing ralhrang kawlralkap le mipi i kahnak ah hin ralkap sin ah biathlithup a rak petu an um hrimhrim tiah fiang tein theih asi. Credit: VPAA

May be an image of outdoors

Tuzing Kong He Pehtlaiin Attialmi: April(7) zing ah kalaymyo Tahan lei cu meithal puak thawng theih lang mang a si rih ko. Ralkap mi thalo phu nih kalaymyo cu an kulh dih cang tin thawng theih a si.A hmai lei ah phu khat, kalay ralkap sakhan umnak cia a si. A thlang lei in phukhat, covid-19 an siahnak inn pi in an um tho tho rih, a sak lei kam in Nipyidaw lei, Tawngphilah thlan mual thar ih inn pi ah an um rih, cun a dung lei kam in university ah phukhat an um rih a si.

Cu ruang ah kalaymyo mino a cangvai mi hna, fim khur ten um a herh ko ee, Hnung, hmai, sak, thlang ral ring ten, thin sum khawh lo lung in, hmai lei kah ve men si lo in, I ven thiam a herh ko lai ee.Tu zing zong Bazar Kal men mi meithal in an kah- hna tiah kan theih a ke ah an kah- ti si, mi nung pathum an thi tin theih a si.A tu can hi,(CRPH) Federal army zong an cang vai deuh rih lo.

Tlang cung lei ralkap zong meithal a puak rih lo, Rangon, mandalay, mongyo lei pawl zong meithal in an do lo, kan mah kalay le Tamu- lawng mei thal in do tu kan si, ka chin le ka Karen lei lawng an si tik ah, ralkap hi, kan mah kalaymyo lawng an kan dum deuh a lo caa’h ah ralrin kan herh ko ee.Kalay caah ral do kan si lo, ram pi caa’h ral do kan si caah a can zong zoh thiam in, thin sum le ralring ten, fim khur ten cang vai uh sih, tih nak le pheih nak le forhnak bia si lo in fim khur te tu in cang vai ding in sim mi tu si. Credit: simeon F, neizam

Be the first to comment

Leave a Reply

Your email address will not be published.


*