RALHRANG NIH NI 10 CHUNG PUAITUAH ATIMH, CRPH NIH A PHOMH COLH

Ralhrang ralkap nih sunglawi taktak in thiltuah an i timhmi CRPH nih tawifiang taktak in lehnak an vun tuah colh hna. Kawlralkap ralhrang hna nih April thlachung ah sunglawi taktak in lungman sung pholanghnak tuah an i tim. Cu tuah an timhmi cu ni 10 chung tuah dingin timhtuahnak an ngeihnak kong cu thanhnak an tuah. Mah puai hi vawleipi huap in tuah an timh mi asi.

Asinain ralhrang kawlralkap thiltuah timhmi konghe pehtlaiin mipi thimtlinmi CRPH nih ralrinnak an pek colh ve hna. Ralhrang ralkap hna nih an i timhtuah ning ahcun Lungman sung pholanghnak puai hi Naypyidaw khuapi ah April ni khat in April ni 10 tuah asi lai tiah an langhter. Mah lungman sung pawl hna hi Kawlram tangka in zuar a si lai tiah an chim.

Cu hi puai ahhin Lungman sung lei he pehtlaiin company pawl hna zong nan zate in rak i tel dih uh tiah sawmnak zong an tuah pin ah ralhrang kawlralkap hna nih hi Lungman sung zohtu dingah ramdang minung zong sawm an si lai tiah an chim. Hi ralhrang cathanh an chuahmi konghe pehtlaiin mipi thimtlinmi CRPH nih ralrinnak bia an chimmi cu atanglei bantukin a si.

CRPH nih an timi cu ralhrang kawlralkap hruainak in tuah an timhmi Lung mansung pholanghnak puai ah ahohmanh kal hlah uh tiah theihternak ca an chuah. Cun ralkap nih tuahmi lungman sung pholanghnak puai ah aa telmi company siseh pumpak ahopaoh CRPH nih blacklist ah kan in chiah hna lai tiah mipi sin ah theihternak an tuah. Ralkap nih hi thil tuah an timhnak aruang bik cu tangka lei an harsat ruangah asi i, anmah pumpak hlawknak caah an tuahmi asi tiah an ti.

Relchih: EU Nih Ralhrang Ralkap Cungah Phihkharnak Tuah An Timh. Myanmar Activists Pawl Nih Duhlonak Langhternak Lamthar An Kawl Ve.Kan hnung thla nawl laknak le mipi kahnak kong he ai pehtlaimi minung 11 cungah EU nih phihkharnak tuah dingin timhlamhnak a ngeih lio ah, huaha lo in tlaih lai le hliamhma, asiloah thah lai mipi nih an duh ti lo ruangah, Monday in khan cun mipi nih an mawtaw horn (petpet) an onhter lulh hna i, a lawngkaangmi hmun paoh ah minung va kal ti lo in posters (hmantlak) tu an chiah lulh hna.Nihin tiang i mipi an thahmi hna hi 250 lengkai an si cang, tiah Assistance Association for Political Prisoners activist group nih a chim.Mipi an thahmi hna hi intuar awk tha ti lo tiangin an tam cang.

Cucaah cun an cung i phihkharnak tuah lo awk a that lo nak hi a si,” tiah EU ramhawi he Brussels ah tonnak ngei dingin a kalmi German Foreign Minister Heiko Maas nih a chim.Tutan i dantat dingin minung 11 kan thimmi hna an min hi kan meeting a dih hnu ah kan vun langhter te lai, tiah EU foreign policy chief Josep Borrell nih a chim.Nawllak hnu ah EU nih ralhrang ralkap hna cung i a faakbikmi dantatnak a si. Cun Myanmar Armed Force a dirhtohtu company pawl zong an cungah phihkharnak tuah dingin EU nih timhlamhnak an ngai rih.Zahhngallo tuk lehpek in nuhrincovo a buartu dah ti lo cu, Myanmar mipi an cung hrimhrim ah dantatnak tuah hi kan duh hrimhrim mi a si lo,” tiah Maas nih a chim.A herh caan te lawngah pei thazaang kan hman ko cu” tiah ralhrang ralkap lei nih an chim.

Buaibainak zoh tikah mipi nih ralkap uknak lei kirthan a duh in an duh ti hrimhrim lo, ti hi fiangtuk in a lang. Mawtaw Horns, Kahnak Nawllaknak in thlakhat a sinak camtuak langhter in Yangon khuapi ah mawtaw peppep (horn) cu hmunkip in an awnter cio hna. Mindat khua, Chin State ah cun an barzar hmaika i hmunhma a lawngkaangmi ah posters pawl tor le cheng in an tar lulh hna. An tarmi cu “Ralkap Uknak ai Rawk Hrimhrim lai” ti a si. Mandalay ah minung pakhat thi lakin an kah. Sunday ah khan Mandalay thiamthiam ah cun ralkap nih sianginn ah hmunhma khuar an i timh caah, mipi nih an vung thloh hna i, minung 4 thi lakin an rak kah hna.Sunday thiam ah cun, Monywa zongah ralhrang ralkap le palik pawl ra lo dingin lampi a khammtu mipi cu an kah hna i pakhat a thi, 4 hma an pu. Sniper, sniper” tiin mipi an au lio cu video in an zeihmi ah a lang. Sunday ah cun Motorcyle ai citmi mipi nih ralhrang polik an phumh ve i pakhat an thah, tiah State Media nih a langhter.

Southeast Asian Diplomats Zong An Rian An I Hnawh Ngai Cang.2020 Nov. election ah dehhlennak a um, cucaah thimnak kan tuah than lai, tiin ralhrang ralkap lei nih an chim.Khat le khat kongah caan saupi i thlak lo in a ummi Asian raminnpa pawl zong cu a tu cu an vun holh ngai ve cang hna. ASEAN kong a ranak in ceihhmai ti dingin Singapore Foreign Minister Vivian Balakrishnan cu Monday ah Brunei a tlawng lai. Cu hnu cun Malaysia le Indonesia lei a vung tlawng rih lai, tiah theih a si.Myanmar ralhrang ralkap nih mipi cung i fahnak a tuahmi hi a lau bakin ka lau ko cang. Cucaah, democracy lei ah i mer than dingin ka duhpiak hna” tiin Singapore deputy prime minister Heng Swee Keat nih a chim.

Myanmar ralhrang ralkap nih a rammi cung i tuahsernak thatlo a ngeihmi hi a ram caah ningzak thil a si, tiin Singapore nih a chim.Mizaraan thuam in ai thuammi minung nih a liamcia 3 ah khan BBC thawnglatu pakhat Myanmar ah an tlaih i, Monday cun an chuah than cang.BBC thawnglatu cu Aung Thura a si i, Firday ah khan Mizzima thawnglatu pakhat he an tlaih hna, tiah theih a si.Australia business consultants 2 zong Myanmar chuahtaak an i timh lio pi ah an tlaih hna; a ruang bel theih a si lo. Hi hna 2 nih Consular rian a bawmtu an si, tiah Australian foreign ministry nih a chim.

Suu Kyi i a economic adviser a si mi Australia pa Sean Turnell zong kan hnung thla ah khan an tlaih.An tlaihmi minung 2000 lenglo lakah ai tel ve i, zeibantuk a hmuh (case) set in taza cuai a si zong an langhter lo. Nifatinte hi e zeitikah dah ka phone a vun onh lai i, ‘inn lei ka hung tin lio pi a si e’ tiin na thawngpang ka theih lai, ti lawng ka hngak ko e. Cu bantuk ni le caan cu a rauhhlan ah um kho hram seh, tiin thla ka cam. A tutiang ah cun thatein le upatnak te he an in zohkhenh lai, tiah ka ruah” tiin a thaisungnu Ha Vu nih a chim. Credit: Chelsea Bawi.

Be the first to comment

Leave a Reply

Your email address will not be published.


*