RALHRANG NIH CUNGLEI IN AN THUAT CANG HNA, TAMTUK RALHRANG AN THI

Kaya ram Demoso i kahnak kong update an tuah tthan cang. Nizan may ni 31 ah ralhrang kawlralkap le KNDF i kahnak ah ralhrang kawlralkap tamtuk an nunnak liam. Nizan May 31 chun hnu suimilam pakhat hrawngah ralhrang kawlralkap le KNDF karlak ah tukdoh kahnak fakpi in a chuak. I kahnak ah ralhrang kawlralkap lei in a tlawmbik minung 80 renglo an nunnak aliam tiah thanhnak an tuah.

Ralhrang kawlralkap lei tamtuk an nunnak aliam caah KNDF cu ralhrang kawlralkap hna nih cunglei in biatak tein an kah hna i, hriamnam ngangan zongin an kah rih hna. Tutiang i kahnak ah KNDF lei in minung pakhat a nunnak aliam i, a dang minung paruk hliam an tuar tiah KNDF nih thawngzamh nak ah an langhter.

No description available.

Adang thawngpang: Ralhrang pawl an mualpho cang. Ralhrang dirkamh in CDM a lut lomi vuanthan tlawmpal nih Pathein-Hin Thata a kalmi tlanglawng cu an suai than cang. Pathein le Hin Thata ah a kal tawn mi tlanglong cu CDM ah a lut lo mi vuanthan tlawmpal hna I fonh in tuni May thla ni 31 zing lei thok in punghman an suai than cang tiah theih asi tiah thawngzamhnak nih alanghter.

Tlanglong ah rian a ttuanmi a tam deuh cu CDM an lut dih hna nain Tlanglong mawng tu minung 3 le a dang a herh nak lei rian a tlai tu minung 10 hrawng cu CDM lut lo in an um tiah vuanthan pawl he a naih niam mi minung pakhat nih a chim. Tuni in suai hram aa thok than cang mi Tlanglong chung ah cun khual tlawng minung 4 lawng an si tiah Pathein buda pawng ah um mi mipi hna nih an chim.

Vuanthan thazang a tlawm tuk caah nikhat ah voi khat lawng Tlanglong cu a kal kho rih tiah theih asi. Yatha vuanthan tam deuh hna cu CDM an luh caah ralkap lei nih an um nak vuanthan inn in an chuah ter dih hna caah mah le khua cio ah tlun in harsa ngai in an um hna lio a si tiah CDM ah a lut ve mi vuanthan pakhat sin in theih asi.

Be the first to comment

Leave a Reply

Your email address will not be published.


*