Yangon Chief Minister Phyo Min Thein cu covid zawtnak ruangah lungfim loin a um tiah an langhter. Yangon Chief Minister Phyo Min Thein le a nupi Daw Khin Myint Kywa hna cu covid zawtnak an ngei tiah theih a si. CM Phyo Min Thein cu lungfimlo in a um ruangah Minkalardon ralkap sizung ah rianrang in an kalpi hnu ah oxygen zong an pek tiah theih a si.
A nupi zong atu hi zohkhanh cuahmah liopi a si tiah an chim. Zarhpini ah khan CM Phyo Min Thein cu covid zawtnak angei tiah an theih. Cun a nupi zong nithum ni ah khan zawtnak angei tiah an hmuh tthan. CM Phyo Min Thein cu zawtnak angeih hnu niruknak ah lungfim loin a um tiah an chim. Atuhi an nupa in ralkap sizung ah hmundang veve ah an chiah hna.
An nupa in zawtnak hi zeitindah an ngeih ning le khoika ah dah zawtnak hi an i lak ning asi timi theih a si lo. Hi konghe pehtlaiin a zohkhanhtu Captain pakhat le Sergeant pakhat zong zawtnak an ngei ve tiah an langhter chih. A hramthok ahcun zawtnak an ngeih le ngeih lo hi theih a rak si lo. Asinain CM te nupa zawtnak an ngei timi thawngpang a langh hnu ah an theih hna. Hi konghe pehtlaiin ralhrang kawlralkap hna nih zawtnak an ngei timi thawngthanhnak an tuah rih lo.
Leave a Reply