RALHRANG NIH AN LIH LE HROKHRAWL IN THANHNAK AN TUAH

Pyi Khua Computer sianghngakchia pakhat le mipi 3 hna cu ralkap nih an tlaih hna. Pyi Khua I Computer sianginn a kai lio mi sianghngakchia pa pakhat le mipi 3 hna cu ralkap May thla ni 19 zinglei 9 hrawng ah an tlaih hna tiah thei asi. Ko Bung Htun Myint Myat le a hawipa cu zinglei khuacung ah cycle in an I chawh lio ah civil form a hruk mi ralkap cycle nih an hnu lei in an dawi hna I an dir ter hna.

Biahal kan in duh hna caah dir uh an ti hna tiah a luat manh mi an hawipa pakhat nih a chim.Ko Bung Htun Myint Myat an tlaih hnu chun nazi 11 hrawng ah Ko Aung Phyo Htet, Ko Htun Lat le Ko Hein Myat hna zong tlaih an tong tiah theih asi. Ralkap lei nih thawng an thanh nak ah cun hi hna 4 nih bomb an ser I khua cung ah an puah caah tiin thawng an thanh.

TV ah an 4 ning in an lang I fak tuk in vuak in biahal an tong ti a fiang. An hmai zong a phing dih tiah a luat manh mi an hawipa nih cun a chim. May thla ni 19 ah Pyi khua I USDP party zung le a dang hmun 3 hna ah bomb an rak puak len caah ralkap lei nih hi tiin mipi an puh hna i an kawl len hna nak hi a si. Ralkap nih mipi nih an ser an ti mi meithal le drone pawl hna cu a hmuh hmanh kan hmu bal lo tiah an hawipa nih cun Mizzima ah a chim.

Myanmar Military Chief Urges Troops to Vote in Support of Three 'National  Causes' — Radio Free Asia

Theih Aphu taktak mi:Lai lungrawn khua (Loklung khua kahdohnak)Loklung khua cu zarhkhat chung MAL Ralkap hna nih (Drone) vanzuang in an hlathlai hnu ah 2021 May 17 zaanlei 4:45pm in a thawk i deilei tiang meithal ngan miakpi in an kah. Minung lawng hlah innzuat satil le arva tiang in thinphang thlalau le hngilh thiam loin an tuah hna. Maw ka thin zeisual nak ko hen khuami nih kan tuah ka hngal lo kan khua ah a um in a sem bal lo mi thawngpang a si.

2021 May 18 ni zing khuadei hlan ah Hakha in 266 btl ralkap 100 reng lo cu raltuk ding in hriamnam ngan/hme tlingte he an pawk hna. Khuaceu vitvat ah nicer lungpumh tlangpar an phan. Cu ka cun duhsah tein an i thawn i 3:00pm ah Loklung thopumh hmun an phan. Thalchun nilinh saling 3:25pm ah lungrawn khua vengtu seino (CDF) pawl cu sahrang kahbang in an kah hna. Vom nam in an nam hna.

Kan mino pawl zawng din tikik hraikhat dingta loin lekmalak umhmun cio in an tho i an dir-onh colh hna. Nelpa leikap in cheukhat, sianginn hrawng in cheukhat, ti in chaklei in cheukhat anmah le neihmi meithal cio he chozoh in ralhrang cu zan 11:30 pm tiang an i kap hna.2021 May 19 ni zing deika 5:30pm in an i kap than i chun 11:00am tiang an i kap. Ral lei ah, cawn thiamnak le hriamnam tling he a ngei mi MAL ralkap cu Lai meithal te in miphun salcan duh lo ruangah heh tiah an doh ve hna.

A pical bakmi ralkap cu hriamnam tha le ralthuam zawng a ngei lo mi kan mino nih nihnih chung an doh khawhmi hna cu ka fak tuk hna, ka thangthat tuk hna. Meithal pakhat hna an i hrawm hna i anmah le thilte he chukcho an tli an zam hna ka ruah ah kacelh bak lo.Hriamnam aa tluk lohrat cu zeitittha 11:00am hrawng in kan mino CDF pawl cu Utiva lei ah hnu an i tawn. Kan mino pawl an celh ti lo hnu lei ah an i tawn cang ti thawng kan theih bak ahkhan cun kan umnak hmun cio in Loklung mi vialte kan tap dih hna.

Khuami an zam dih cang nain Pu Siangpum nu le Cungpa le anu cu an kal tak hna ti sihawi ahohmanh kan celh bak lo.Zanlei muilai hrawng a hung phak in kan zuat vawk le ar hna zei dah an lawh lai 2021 May 19 ni cu Loklung kan khua tuanbia ah philh ni um kho lai lo.Zeitik ah hen kan khua le kan ram, kan inn le kan lo, kan lungthu le tappi ah kan kir khawh te hnga? Khuatluang runinn le chumtual ah zeitiang hen kan hram hna lai.

Hi lio ah chungkhar innlo chuah tak in Ram caah nun aa pe mi hna Loklung seino paraltha (–) hna hi nikhatkhat cu teinak puanzar he an tlung lai i lomh nak pangpartthi he kan dawn te hna lai. Kan innlo zawng nih a tuar ko lai. Kam satil arva zong nih an tuar ko lai. Sihmanhsehlaw, kan tei hrimhrim lai! Hi capar tawi cu, Salai MM nih Loklung khua a cang mi kong he pethlai in hlawinak a tial mi a si.Salai MM. Laknak: The Chinland Post

Be the first to comment

Leave a Reply

Your email address will not be published.


*