RALHRANG MI TUAHTO NING CU APOITUK E,

Poituk e, Sualnak ngeilo Ralhrang nih minung pathum an tlaih hna i, an hngawng ah Bomb an chiah hna. Ralhrang kawlralkap le an hnuzul Pyu Saw Htee hna nih khualtlawng mi hna motor cu Ayadaw le Ywathagyi lampi ah an dirter hna i minung pathum an tlaih hna tiah thanhnak an tuah.

An tlaihmi minung pathum hna cu an kalpi hna. Cun an tlaihmi hna hi an hnawng ah Bomb an chiah i ralhrang hnuzul Pyu Saw Htee hna umnak Ngwetwin khua ah an kalpi hna tiah Ayadaw Post nih a langhter. An tlaihmi pathum hna hi an khua ah Lo rianttuantu an si.

Ralhrang hna nih an tlaih hna caan hi nizan November ni 11 zanlei suimilam pali hrawng ah a si. An tlaihmi minung pathum hna cu chungkhar sin ah an thlah rih hna lo. Hi an tlaih hna an kalpi hna hlan ah hin ralhrang hna nih khualtlawng mi hna cu hramhram in tangka an lakpiak hna tiah an chim chih.

Be the first to comment

Leave a Reply

Your email address will not be published.


*