RALHRANG KAWLRALKAP RALTUKNAK HELICOPTER TLA LAK IN AN KAH

Good News: Hmanthlak thawng: Ralhrang kawlralkap raltuknak Helicopter cu KNU nih tla lak an kahthlak tiah an langhter. Tuni March Ni 30 ah KNU hriamtlai hna nih ralhrang kawlralkap raltuknak helicopter cu tla lak an kah. Cu lawng siloin KNU hriamtlai hna nih ralhrang kawlralkap hna cu minung pakua an tleih rih hna tiah theih asi. Credit: Tun Shwe (TTT)

May be an image of aircraft and outdoors

Relchih:Chinmi cheukhat kan ruahnak hi cu a rak niam ngaingai (keimah telh in). Tulio thilcang konghe pehtlaiin cheukhat nih Kawlralkap tuahsernak hi zohsawh ding asi tilo. CNF/A nih kap cang hna seh tiah bia a chimmi hi kan tlawmti lo. An kah hna lo caah biatak tein sual aphawmi kan um hna. Kap Taktak Hna Sehlaw Zeitin?

May be an image of outdoors

Tlangcung hriamtlai dirhmun khi zoh hmanh usih, ralkap he an i phomh mipi zeizat dah an nunnak aliam i, mipi innlo chuahtak in zeizat lengluang dah a zammi an si. Ralkap nih cunglei Vanlong in an tthuat hna, Mipi zeitlukindah an tuar? Kawlralkap hi a herh cang an ti ahcun kanmah chim hau loin an kah ko hna lai.CNF/A hruaitu hna khi tulio Laimi ahcun mifim cathiam nuhrinnak thluak atha bak mi lawngte an si hna i, khua biatak tein a cuan khomi an si timi zong hi philh hna hlah usih.

May be an image of helicopter and outdoors

Kanmah nih kan thisa alin aipat tiah ka chimmi zong hi an ruahcia le an theihcia lawngte asi. Zeidah kan dirhmun le kan sining kap hna usih law zeitindah kan mipi an um lai? Fiangte in an theih dih. Nangmah le keimah chim loin aherh tikah cun an cawlcang ko lai. An ralchia ti hlah uh. An ralchia hna sehlaw kum 33 chung hi ram le miphun caah nunthaap in rian an ttuan hnga maw? An ral a that ruangah tuchun nitiang an dirnak le rian an ttuannak hi asi lo maw?

Tthenkhat nih kan i thawh i, khuate hrem le tlerh lawng maw an ngamh lai kan ti rih hna. CNF/A ruangah kum zeizat dah nan tuar? voikhat hnih hremnak tuar cu maw biatak tein kan chim ngam? Kum 33 chung an tuarnak khi tah na ruat bal maw? Nikhat hnih or voikhat hnih hremnak te cu maw biatak tein kan chim ngam? Unau thatein ruat hmanh, na tuarnak le ka tuarnak nakin an tuarnak khi cuan law na fiang ko lai.

Tulio thawngpang sining zong hi an thei lo an ngamh lo ti hna in maw ruat lai usih. CNF/A kan pa le nak in thil atheimi hi Laimi or CHinmi chungah ahohmanh an um lem lai lo dakaw. Cutluk cun khua atuak kho mi le a cuan khomi pei an si cu, Cucaah kan thin linhnak hi faktuk in chim hlah usih, kan thin linhnak zong an theih dih ko. Kan ti khawh tawk tuin bawmhchanh dingah timhcia tein um ko usih. Credit: Vantha

 

Be the first to comment

Leave a Reply

Your email address will not be published.


*