RALHRANG KAWLRALKAP LE USDP PARTY NIH KHUAMI AN VELH HNA

Ralhrang kawlralkap le USDP party member pawl nih mipi an luhhnawh hna lawng siloin an tukvelh pin hna ah an thilri zong an hrawhpiak hna. Kuanchankung sang ah ralhrang kawlralkap le USDP party member pawl nih mipi hna cu an inn cia lila ah an luh hnawh i, ningcang loin an vuak hna. Hi konghe pehtlaiin a tanglei bangin thanhnak an tuah.

Yangon Kuan Chan Kung sangah a um mi mipi hna cu ralhrang kawlralkap le USDP party member pawl dalan hna nih an inn chungah an luhhnawh hna i an thilri an hrawh piak pin hna ah sang mino hna cu hramhram lo le a konglam zong um lo in an vuak len hna tiah mipi pakhat nih Yangon Khat Tit media thawngzamh nak thanhnak atuah.

Zaan fatin te dalan pawl nih an kutdong an sawh mi inn poah cu ralhrang kawl ralkap nih an luh hnawh hna i an thilri vialte an check dih pin ah inn ngeitu zong an vuak hna. NLD signboard pawl zong an hrawh dih I mei in an khangh tiah mino pakhat nih a chim. Rian phuah a tong cangmi CDM a tuahmi vuanthan pawl zong ralhrang kawl ralkap lei nih tthihpheih nak le tlaihnak an tuah peng tiah CDM a lut mi vuanthan pakhat nih a chim.

Tutan ah Ralhrang kawlralkap hna nih hramhram in cawlcanghnak an tuahnak hmun Kuanchankung sang ah hin fimthiamnak lei in cozah rianttuantu hi minung 117 an um i cu chungah ralhrang kawlralkap hna nih rian an phuahmi hna hi minung 602 an si cang tiah an langhter chih. Ralhrang kawlralkap le USDP hi cu an ziaza arak i khat hrimhrim ko hih.

Kawl Ralkap ralhrang pawl hi 2008 phunghram an hrawh pinah NCA zong an  hrawh chih i nu le hngakchia tiang zuah loin a thattu an si - Daily Hot News

Thantlang Mino cabia: Kan dihlak in dothlennak ah kan i tel lai. Nihin kan khuaram ah kahdohnak a hung cang taktak cang. Hi kahdohnak cu mithat lainawng rallokap uknak chan dih cang seh ti mi dothlennak a si. Hi dothlennak kan tei khawh nakding ca ah kan ralkap CDF lawng rinh lo in mipi vialte nih kan si khawhnak cio in kan i tel a herh. Ramtang ah um in meithal a tlai lo mi zong nih hi dothlennak ah tihin i tel cio hna usih!

Kan zapi in mi ngiatu kan si dih lai. Hihi a no he cang he tuah khawh dih mi a si. Zing, chun, zan cat lo in Rallokap cawlcanghnak pohpoh kan ngiat lai. Zumh lo deuh mi, mi thar umtu hoiher kan ngiat lai. A rianrannak in thawng kan i thanh lai. To hmun in a ngiathlaitu kan um lai, chawhleh pah in a ngia kan um lai. Cucu kan ral teinak tawhfung a si lai.

Herhhai chantu kan si lai. Kan ralkap pawl nih an herhhai mi chanh khawhnak kha a lamkip le phun kip in kan i zuam lai. A chantu si kho lo zong nih a timtuahtu, a hlutu kan si lai. Ramleng unau lawng rinh lo in Laihlum nih kan ngeih mi kan i hrawmti hna lai. Kan mipi nih an kan dirpi ti hngalh hi kan ralkap ca ah thazang taktak a si.

Kan kaa kan cip lai i kan hna kan tung lai Thawng le pang kan hngalh mi poh zum dih colh lo in kan hna kan fimter lai. Cu kan theih mi thawngpang poh leng chuahter colh lo in kan kaa kan cip lai. Cucu kanmah le kanmah lawng si lo in kan ralkap pawl kan ven hna zong a si chih. Tutan dothlennak cu Mipi Dothlennak a si lai. Kan zapi lungrual in kan baan thawnter usih! Kan Chinland kan ven lai. Kan Thantlang peng kan ven lai.Kan dothlennak hmunpi Camp Victoria kan ven lai. We Support CDF. We Support CNF/A. Credit: Thantlang Revolutionary Campaigner

 

Be the first to comment

Leave a Reply

Your email address will not be published.


*