RALHRANG KAWLRALKAP LE PALEK AN I KAP TTHAN HOI

Ralhrang kawlralka le Palek karlak ah i kahnak a chuak tthan. Pago khuapi ah ralhrang kawlralkap le palek cu anmah le anmah an ikap, An i kahnak ralhrang kawlralkap bawi motor zong aa let tiah thanhnak an tuah. Hi konghe pehtlaiin khuami nih an chimmi cu Nizan zanlei suimilam 11 hrawngah hi thil hi a cang mi a si.

Ralhrang kawlralkap le palek cu an mah le an mah an i kap. Cu i kahnak ahcun ralhrang kawlralkap bawi zong hliam a tuar tiah achim. An i kahnak hmun hi Pago khuapi, Thanakhapin lam ah asi i ralhrang ralkap bawi motor le Yehmu motor hna cu Thanakhapin lam thluan ah meithal in an ikap. Cuticun motor nih lam an khamnak tung a pah tiah an chim chih. Zeiruangah hithil hi a can timi fiang in theih asi rih lo.

May be an image of road

Relchih:KIA nih ralhrang kawlralkap bawi an thahmi min an langhter cang. Ralhrang kawlralkap le KIA hriamtlai an i kahnak ah ralhrang kawlralkap bawi a nunnak aliammi min an langhter hna. Kachin ram chungah Banmaw le Myothit cun Kungla le Nwelan siseh Dawphungyan ah ralhrang le KIA cu nisarih chung an i kap. Cu chungah ralhrang kawlralkap bawi minung 13 an nunnak aliam.

Hi konghe pehtlaiin KIA nih thanhnak an tuahmi cu ralhrang kawlralkap bawi nunnak aliammi hna hi Buhmu Phyo Wai Lin le Buhmu Phyo Aung Pwa cun Buhmu Zin Min Htwe le Buci minung pali le adang paruk, an dihlak in minung 13 an si tiah tlamtling tein an langhter. Hi vialte ralhrang kawlralkap bawi an thih ahhin adang ralkap sawhsaw cu tampi an nunnak aliam ti a si.

Be the first to comment

Leave a Reply

Your email address will not be published.


*