RALHRANG KAWLRALKAP CAAH THINPHANG SI CANG, RALRIN AN PEK CANG

G7 nih ralhrang kawlralkap pawl an hrocer cang hna. G7 nih an timi cu ralhrang kawlralkap hna nih an tuahmi thil an i remh lo asi ahcun sualphawt dingin a timh cang hna. Vawilei cung ram pasarih fonh G7 zong nih ralhrang kawlralkap hna thiltuah le cawlcanghnak cu zoh sawhsawh hrimhrim aa tim ti lo, rianttuan dingin timhcia kan si tiah an chim.

Hi konghe pehtlaiin G7 ramdang lei vuanci nih a chimmi cu ralhrang kawlralkap hna nih hruhru hranghran in mipi cungah an cawlcangh ning an thlen lo i, pehzulh in thil an tuah asi ahcun sualphawt dingin timhcia bak kan si tiah fiang ko in a chim. Thanhnak an tuahmi chungah hriamnam kawlram ah zuar siseh fimcawnnak lei bawmhmi zong phih asi lai tiah a chim.

Hi konghe pehtlaiin Nizan ah G-7 nih kawlram konghe pehtlaiin thanhnak an tuahmi ahcun mipi dirhmi CRPH le NUG cozah siseh cun CDM cawlcanghnak vialte hna hi cohlang cio hna usih tiah forhfialnak an tuah tthan, Ralhrang kawlralkap hna zong adik hmanmi democracy lam zulh dingin kar hlang uh tiah a ti tthan rih.

No description available.

Theihphu asimi: CNF/A Hi Chin Miphun Kan Suttung An Si! CNF/A kong hi Online ah chim ceih cio a si i, minung pakhat le pakhat kan sining le kan hmuhning aa khat lo caah, i ruahthiam ah a tha bik lai! Keimah ka hmuhning cu CNF/A hi Chin Miphun kan caah suttung bak an si tiah ka ruah! CNF/A hi rak um hlah seh law ti van ruat hmanh! Chin ramah zei bantuk hriamtlai dah a um hnga i, zeibantuk misual/Damiah bu dah an dir lai tihi a hohmanh nih kan chim kho lo.

CNF/A a rak um hi cu vialte a um lonak hnga ka van vengtu, Chin Miphun caah kan suttung taktak an sinak alangh pakhat cu a si.CNF/A hi rak um hlah sehlaw ti van raut hmanh! Chin Miphun hi zatzat hi ramtha kan phan kho lai lo. Chin Miphun ramtha kan phak khawh cu, Pathian a si an ti. Cucu ka pom ve ko. Asinain Pathian nih CNF/A hmangin lam a kan awn piakmi a si. Cucaah CNF/A thawngin a tam u cu ramtha a phan kho mi kan si!

CNF/A hi kan suttung an si caah Pathain nih a hman hna. Anmah thawngin a tampi ramtha kan phan. CNF/A hi rak um hlah sehlaw ti van ruat hmanh! Aluancia caan U Thein Sein Cozah chan ah khan ahodah a chawntu ding an um! Ramdaihnak kongah Chin Miphun chungin a chawn khotu a hohmanh an rak um lo. U Thein Sein chan ah ramdaihnak kong le kan Miphun kong a chim khotu cu CNF/A lawnglawng an rak si.

Cucu kan Chin Miphun ah kan suttung an sinak cu si.CNF/A hi rak um hlah sehlaw ti van ruat hmanh! Atutan uknak firtu Min Aung Hlaing nih Chin ram cu fawi tein a uk colh lai. Atutiang Chin ram ah Min Aung Hlaing Cozah nih rian an tuah khawh lo ning le kan tei hna mi khi Mipi dirkhamhtu kan suttung CNF/A Ruang kan ti kho maw? Atu ah Min Aung Hlaing Ralkap pawl con viar in a tuahtu CDF dirkamhtu, an hnu in a zaipoh a relteltu Chin Miphun kan suttung CNF/A dawh an si cuh!Kan Chin ram Caah an chunmang tlinghram cang seh! Chin Miphun hna kan dihlak dodaltu si ti loin dirkamhtu si hna u sih! Chin ram cu kan ram! CNF/A Cu Chin Miphun kan suttung/ Kan hauhruangpi an si. Credit: Tin Cung Lian

Be the first to comment

Leave a Reply

Your email address will not be published.


*