RALHRANG KAWLRALKAP BAWI NIH THANHNAK ATUAH

Ralhrang Kawlralkap nih thanhnak an tuahmi hi nan zum cio maw? zumh bak a tlak lo. Thanhnak an tuahmi zat lawng hi mipi kut an nunnak aliam hrimhrim lai lo. Hinak tamcu an nunnak aliam hrimhrim ko lai. Anmah ca tthatnak lawngin an chimmi asi lai timi hi theih khawh asi. Aruang cu mipi lei nih ralhrang kawlralkap le palek pawl an thahmi hna hi an tam ko cang.

Asinain ralhrang kawlralkap nih cun minung tlawmte lawng an nunnak aliam tiah thanhnak an tuah. Ralhrang kawlralkap ai awh in biachimnak nawl angeimi ralhrang kawlralkap bawi Zaw Min Tun nih a chimmi cu ralkap nih nawlngeihnak an lak hnu ah mipi nih palek le ralkap an thah mi hna hi minung 24 an si cang tiah thawngzamhnak ah a chim.

Ralhrang kawlralkap hna nih February nikhat in uknak an lakhnu in April ni 15 tiangah khan kawlralkap le palek pawl mipi nih an thahmi hna hi minung 24 an si cang. Culawng siloin hliamhma a tuarmi ralkawp pawl hi minung 45 an si cang i, palek pawl hi minung 252 hliam an tuar cang. Hliam a tuarmi zong hi an dirhmun a ttha lo ngaingai hna tiah a chim chih.

Mipi hna nih palek umnak sakhan an hrawhmi hi 63 pathum a si i, sang uktu zung an hrawhmi zong hi 62 a si cang. Culawng siloin zung sawhsawh zong 52 an suaksam pin ah Bank 13 siseh siangin le inn pawl an hrawhmi hi 105 hrawnghrang a si cang tiah a chim. Ralhrang nih uknak an lak hnu ah mipi a nunnak aliammi hi minung 750 an si cang.

Tutan ah ralhrang kawlralkap chungin thawngthanhnak or chimnak nawl angeimi ralhrang kawlralkap bawi Zaw Min Tun nih a chimmi hi Russia thawngzamhnak a simi RIA News ah a chimmi a si i, hi a chimmi bia cu ralhrang kawlralkap hna nih an ngeihmi thawngzamhnak Myanmar Alin zong nih a thlah ve. Thanhnak atuahmi hi zeitindah nan ruahcio? Ahman taktak hnga maw?

Myanmar army warns may 'take action' over its election dispute | Asia News  | China Daily

Relchih Tuzanlei tuandeuh thawngpang: Thawngpang ttha taktak a si. Mindat mipi nih ralhrang kawlralkap minung pali an kah thah hna. Atu hi biatak tein Mindat kan unau le kawlralkap ralhrang hna karlak ah thawngpang a linsa chin lengmang cang. Theih cio bangin Mindat ah Ralhrang kawlralkap le palek le khuami karlak ah tukdohnak cu April ni 24 khan a chuak.

Ralhrang kawlralkap le kan Unau Mindat khuami hna cu tuchun zanlei suimilam pathum le cheu hrawngah kah dohnak a chuak tthan. Tuzanlei kahdohnak ah ralhrang kawlralkap hna cu minung pali an nunnak aliam tiah thanhnak an tuah. Culawng siloin Ralhrang kawlralkap le palek motor zong pathum an khangh piak rih hna.

Atu bantukin tukdohnak a chuak tikah siseh, ralhrang kawlralkap lei a nunnak aliammi an vun um tikah ralhrang kawlralkap hna cu atu hi ralkap thaazaang an i chap chin lengmang ti asi. Mindat ah hin a tucu ralhrang kawlralkap hi Matupi lei in siseh Pakhukhu lei in thaazang an chap hna ti a si. Mindat lei panh in an kal cuahmah tiah an langhter chih.

Langhter cang bantukin kan Unau Mindat ah hin a liamcia nizan tihni tiawk April ni 24 zan thok in mipi le ralhrang kawlralkap hna karlak ah tukdohnak a chuak. Mipi le ralhrang kawlralkap karlak ah a tu bantukin tukdohnak a chuahnak ruang bik cu Ralhrang kawlralkap hna nih khuami mino minung pasarih an tleih mi hna an thlah duh hna lo ruangah tukdohnak tiang a chuahnak hi a si. Ralhrang kawlralkap hna nih an tleihmi mino pawl an thlah duh hna lo tikah ah khuami mino pawl zong an um kho ve lo i, Lai meithal he an dir onh ve hna nak hi a si.

Be the first to comment

Leave a Reply

Your email address will not be published.


*