RALHRANG KAWLRALKAP AN THAHMI CU AN TAM BAK KO HIH

Thla Khat Fai ah KNU nih SAC Ralkap 200 Dengmang an Thah Hna. March 27 in aa thawkmi Karen hraimtlai KNU le SAC ralkap karlak kahdohnak ah KNU nih SAC ralkap 194 an thah hna, tiah KNU Brigade (5) nih an chim. March 27 in atu May thlathawh tiang ah KNU le SAC ralkap karlak kahdohnak voi 407 a chuak i cu kahdohnak pawl ah cun SAC ralbawi 5 telh in a dang ralkap 194 an thih hi a si.

KNU lei zong in ralkap 9 an nunnak a liam i a dang ralkap 10 hliamhma an pu hna.SAC ralkap nih vanlawng in le miakpi in khuami an kah hnanak ah sualnak ngei lo khuami 14 an nunnak a liam i, a dang khuami 28 hliamhma an pu hna. KNU Brigade (5) nih an chim ning ah SAC ralkap nih vanlawng in KNU cu voi 27 an kah hna. Cun, lamhlat in miakpi in voi 47 an kah hna. Khuami umnak inn le lo tibantuk pawl SAC ralkap nih ningcang loin maikpi in voi 575 an kah, tiah an langhter.

Kayin le Thai ramri ah a ummi SAC ralkap sakhaan KNU nih an lak i Thailand lei in SAC ralkap sin eidin tirawl phorhnak lampi zong an kham. Cucaah, SAC ralkap pawl cu khuate ah an lut i khuami hna i tangka, facang le innzuat sattil pawl hramhram in an chuh hna, tiah KNU nih an chim chap. SAC nih Myanmar ram uknak an chuh hnu Kayin ramkulh chung kahdohnak ruang ah Kayin khuami tampi zong Thailand lei ah ralzaam dirhmun in an phan hna.

May be an image of 3 people, people standing and outdoors

Relchih:Hakha University ah Siangngakchia a Kaimi an Um Lo. Nihin May 5 hi Myanmar ramchung University on dih ding in SAC nih nawl a chuah nain Hakha University ah cun sianginn a rak kaimi siangngakchia ahohmanh an um lo, tiah Hakha University sayakyi Dr. Lian Za Khup nih The Chin Journal ah a chim.

Nihin sianginn a rak kaimi siangngakchia an um lo. Saya/sayamate cheukhat cu an um ko i cacawng kho ding dirhmun cu kan si ko. Kai a duhmi an um ahcun rak kai khawh a si,” tiah a chim.Hakha University Students Union i an Chairman a simi Salai Shing Mang zong nih “Nihin Hakha University ah siangngakchia ahohmanh an kai lo,” tiah a chim ve.

SAC nih nihin thawk in University pawl on a timh nain Myanmar ramchung University kip ah ralkap kut tang sal fimcawnnak doh in University kai loin an um hna. Aralaimi May 24 zong ah khin Myanmar ramchung sianginn apnak tuah a si lai, tiah SAC nih thawng a thanh. Credit: The Chin Journal. Atang ah kawlca in relchih khawh asi.

ဟားခါးတက္ကသိုလ် ကျောင်းလာတက်သူတစ်‌ေယာက်မှမရှိ. စစ်ကောင်စီမှ မေလ ၅ရက်နေ့တွင် တက္ကသိုလ်ကျောင်းများဖွင့်လှစ်သော်လည်း ချင်းပြည်နယ် ဟားခါးတက္ကသိုလ်တွင် ယနေ့ကျောင်းလာတက်သူ တစ်ယောက်မှ မရှိကြောင်း ပါမောက္ခချုပ် ဒေါက်တာ လျန်ဇာခုတ်က ချင်းဂျာနယ် သို့ပြောသည်။
The Chin Journal, May 5, Hakha. Hmanthlak pawl hi ahlan ta an si hna.

Be the first to comment

Leave a Reply

Your email address will not be published.


*