Pu Van Thio Nih A VP Si Nak Cu Election CampaignCaah NingCang Loin A Hman

Pu Henry Van Thio nih a VP sinak cu Election Campaign caah ningcang loin a hmanPakhatnak. Surbung Airport hi Opening Ceremony zong tuah loin Election lai theng theng ah amah a um lioah Vanlawng an tum ter.

(Hakha lei in a kalmi hna zoh ah NLD minung lawngte. Hngalh lo ahcun, NLD Airport dara maw a si ti awk in)
Pahnihnak. Var hlei donh tharmi hunnak a tuah.Pathum. Hakha lei a kir pah ah Ramthlo ah a tang. Ramthlo khuakomh ahhin Ramthlo, Tlangzar le Dokthek tiin khua thum an um. Cu chungah NLD thawnnak khua Ramthlo caah 100 million MMK le Dokthek caah 70 million MMK development budget cozah pekmi cu amah nih mizapi sinah pekchanhnak a tuah.

Tlangzar bel zeihmanh an tingco ve lo NLD an thazaang a dertuknak khua a si ca zongah si kho men.Pathumnak. Chuncung ah sianginn saknak i budget a tlami 392 million cu mizapi sinah thanhnak le pekchanhnak a tuah.Ruah dingmi:
Ziah airport hna hi tu thengtheng hitluk Covid-19 case in Falam mizapi an lungre a theih i therphang le harsa ngai in an irunven an izohkhenh lio ahhin minung khizat iton le Kawl lei in mi khi vialte itlun pi in tu bantuk thil tuah khi ram le miphun dawt kan ti kho lai maw? Party dawt le Thutden duh kan ti lai dah?

Cun ziah mizapi tangka in cozah nih rampi budget chungin pekmi thanchonak riantuannak ca tangka cu Septwmber thla dih ah khan aa fiang cangmi an si hna i Ramthlo, Dokthek le Chuncung hi zei ruangah dah tu thengah VP nih hihi kan in bawmh hna tiah NLD bawmhmi bantuk in mizapi a pek hna. Kannih khua zong sianginn saknak ah 200 million leng kan hmuh ko i a luancia thla khat leng ah khan a fiang cang i Tender hmanh an auh i a ngahtu zong an ifiang deng cang lai.

Tu bantuk in Falam peng khuate ah vote a tam bik nak Ram Thlo le Hakha peng khuate ah vote a tam bik nak Chuncung theng i hibantuk thil a tuahmi hi zei lungput dah a si hnga? Ruat cio tuah uh!
Thimnak ni hra fai lawng aa duh hnu ah Vice President dirhmun in security hna tha tak in ilak i a hung tlunmi zong hi a dik lomi, nawlngeihnak kha pumpak le party hlawknak caah a hman a si caah cucu Mirang nih Power Abuse an timi Corruption phunkhat a si.

NLD le Vice President Pu Henry Van Thio nih tutan Chin ramkulh election ah Corruption (Power Abuse) an tuah ti khawh a si ko hnga lo maw?
Nang zeitin na ruah ve.

Crd : Salai Zing Hmuh

Be the first to comment

Leave a Reply

Your email address will not be published.


*