PHUNGHRAM 419 HMANGIN RALHRANG NIH AN NGEIHTHIAM DIH HNA

Ralhrang kawlralkap hna nih February nikhat uknak an hlan ah case a ngeimi hna cu kan ngeihthiam hna tiah thanhnak an tuah. Ralhrang nih an langhtermi ah tutan covid zawtnak kan tei khawhnak dingah siseh case angeimi pawl covid zawtnak ruangah an konglam caan a rauh dingmi kan tuaktaan i, phunghrampi pohmah 419 hmangin biachahnak kan tuah.

Cucu February nikhat hlan ah buainak case angeimi hna cu biaceihzung nih an case kan kharpiak hna, Kan langhtermi case angeimi hna cu mizeipaoh case an ngeiti lo an luat cang tiah thanhnak an tuah. Tutan ah ralhrang kawlralkap hna nih an ngeihthiam mi nung pawl an langhter mi hna cu a tanglei bantuk case a ngeimi hna an si hna.

Thilfir ruangah tazacuaimi hna, Thingram kongah tazacuaimi, Phaisa tonghtham ruangah tazacuaimi, Ritnak siitthalo kongah tazacuaimi hna, hriamnam kongah tazacuaimi hna, hlawhhlang kongah tazacuaimi hna, palek he pehtlaiin taza cuaimi hna le Video hmangin taza cuaimi hna, mah vialte tazacuai mi hna cu ralhrang kawlralkap nih an luatter dih cang.

No description available.

Thawngpang dang:Thong chung ah Covid 19 zawtnak I chawnh ruang ah a thimi minung 6 an si tiah ralhrang kawlralkap lei nih thawng an thanh. July ni 20 tiang thongchung kip ah Covid in a zaw I sii a thlop lio mi hi minung 208 an si i, Covid ruang ah siizung in a chuak cang mi minung 152 an si I a thi mi hi minung 6 an si cang tiah ralkap lei nih thawng an thanh.

Kawlram pumpi thong inn pawl ah Covid in a zaw mi minung 375 an si I thong sii inn pawl ah kan thlop lio hna asi tiah thawng an thanh nak ah cun an talh chih. Covid a ngei nain thong in chuah ni a tlin caah a chuak cang mi hi minung 9 an si cang I a zaw lio mi pawl zong thlop lio an si tiah ralkap lei nih cun thawng an thanh chih. Thong inn ah chiah a tong mi siibawi cheukhat le Yangon Vuanci pa U Phyo Min Thein hna zong Covid in an zaw hna tiah thawng pang a um.

Be the first to comment

Leave a Reply

Your email address will not be published.


*