PERHKALH: MIHRUT PAKHAT AA CHAP, RALKAP CHUNGAH MIFIM AN TAMPI KO TIMI

Mihrut pakhat aa chap. Ralkap chungah mifim an tampi ko timi hi ka zum kho bak lo. Lai mifim pakhat nih ”Thurah Swe Mann khi a fim taktak” a rak timi ka rak theih bal. Laitlang kan rak um lio Khin Nyunt chan lioah Khin Nyunt cu holh phun 12 a thiam an rak ti tawn. Pafim bakah rak ruah a si. Ralkap ka hawi pa pakhat Buhmu pa nih ”Khin Nyunt cu a fim bak” a rak ka ti bal fawn.

Ka zum bak lo. Ka zum bak hna lo. Hi hna pahnih hrawnghrang hi an si dih ko lai. Ne Win, Saw Maung, Than Shwe, Maung Aye, Sein Lwin, Thein Sein, Thurah Swe Mann, Ye Thut, Bullet Hla Shwe, an runpi khin buanbok le manta an si dih ko lai. An bia chimmi pawl hi ninghngal bia sawhsawh lawng a si lo. Zah hngal lo tuk bia sawhsawh lawng zong a si fawn lo. Zurit hmanh nih an chim lo dingmi bia hna an chim tawn. Minung cu chim lo, ui le ar hmanh nih an zumh khawh lo dingmi bia hna an chim tawn. Hruh rumro khi a si ko. Credit: Perhkalh.

May be an image of 1 person and text that says "လိ်းတ် စည်းကမ်း ကြရင် ကွပိုင် "အိမ်စောင့်အစိုးရအား ကုလသမဂ္ဂမှ အသိမှတ်ပြုရန် တပ်မတော်အလံ နှင့် ပြည်ခိုင်ဖြိုးအလံများ အိမ်ရှေ့တွင် လွှင့်ထူပေးကြဖို့ နိုင်ငံခြားရေးဝန်ကြီး တိုက်တွန်း""

Thawngpang dang: Yangon mino paruk thihnak kongah PDF nih mawhphurtu Dalan hna cu kuanfang he ralrinnak an pek cang hna. Hlai Thar Yar PDF nih thanhnak an tuahmi cu Yangon 44 lam, in dot ah mino paruk ralhrang kawlralkap hna ruangah an nunnak a liam i, hi thihnak ah ralhrang sin thawng a petu Dalan hna cu nan nunnak ah mawhphurnak kan la lai lo tiah ralrinnak tuni ah an chuah.

Hi konghe pehtlaiin Hlai THar Yar PDF mino pakhat nih a timi cu kan ttuanpi hawi kan ralkap hna phuba cu kan lak hrimhrim lai. An thih ning hi thawngthanhnak tuah cang bangin inn cung tlaknak in a thi sualmi an si lo, an zuannak ah a si tiah a chim. Ralhrang sin ah report a petu Dalan cu meithal kuanfang pathum he hrocernak an tuah hna.

Kan nau le hna an nu le pa hna an ttah thawng cu nan caah meithal kuan canter asi lai. Rak zam peng ko Dalan, Kan i zuamcawh. Na chung le zong kan kawl dih hna lai. A tin kan phawi hna lio zong nan hmuh lai tiah an langhter. Hi thil a cannak hmun cu Yangon, Botataung township lam no 44 block chung inn no 38 ah a si i, ralhrang nih an dawi hna ruangah mino paruk an nunnak a liam i, minung pahnih zong an tleih hna.

Be the first to comment

Leave a Reply

Your email address will not be published.


*