Palik Pa Cu Amah Le Amah A Kap Maw? Dah Mipi Nih Dah An Kah Ti Afiang Loh!

Palik pa cu amah le amah a kap sual . Sandah piahmi mibu pawl tlaih hna ding in an hngah hna liopi ah Palik pa pakhat cu amah le amah meithal bak in a kap sual i a ran khawh chung in si inn ah an tlikpi colh tiah nihin March 9 ah khan MTK Channel nih a langhter .

MTK Channel nih a langhter ning ah cun Shan ram Nansang khuapi ah hi thil hi a cangmi a si. Zinglei suimilam 9 hrawngah Ralkap le Palik cu timhcia tein an dir cang hna i sandah piahtu mipi an rat ahcun kan kham colh hna lai. Mibu pawl thenthek colh ding in khin an dir ko hna, cu lioah cun ruah lo piin Palik mawtaw ah meithal kah thawng an theih i a rannak in an va zoh i Palik pa cu mawtaw cung in a ril ko khah an hmuh, A ran khawh chung in mipi lei zong zoh ti lo in siizung lei ah an tlik pi colh.

Hi Palik pa hi mawtaw chungah timhcia tein a um vemi a si, Mawtaw cung in a tum a timhlio ah khin a meithal par le amah hoih in a hmeh sual dawh a si tiah an chim. Amin le a konglam kong belte cu zeihmanh tha te in theih a si rih loh. Amah zong cu sizung ah a ceih ngai tiah theih a si

Be the first to comment

Leave a Reply

Your email address will not be published.


*