PALEK SAKHAN ZERO NIH AN LUH HNAWH HNA, A THIMI AN UM

NganZun (ငါန္းဇြန္) peng Minnekung(မင္းေနကုန္း) palek umhmun ZERO nih an luhhnawh palek pahnihnak tlawmlo an thi. Mandalay ramthen Minchian ( ျမင္းၿခံ) peng Nganjun (ငါန္းဇြန္)peng Minnekung(မင္းေနကုန္း) palek umhmun ZERO nih an luhhnawh i palek pahnih nak tlawmlo an thi tiah Minchian( ျမင္းၿခံ) ZERO bu nih thawng an thanh.

Ngajun(ငါန္းဇြန္) peng Minnekung(မင္းေနကုန္း )palek umhmun cu kah asi i a tlawmpi palek pahnih an thi i hliammi zong an um kho kaphnih i kahnak a chuak i minute 20 hrawng ZERO lei in hliammi an um lo nain hnu an tolh” tiah Minchian(ျမင္ျခံ) ZERO nih an thanh. TCP

ငါန်းဇွန်မြို့နယ် - ဝီကီပီးဒီးယား

Thawngpang dang:Zei ruang ah dah minthang Phyu Phyu Htwe company 20 reng lo an bar i a mah he riantuan ti lo ding in an thanh. Myanmar lemcang model ah a min a thang ngaimi cu lemcang Phyu Phyu Htwe si a si. A min a thang i a lar taktak mi a si. Myanmar minthang hna lak ah phaisa a ngah tambik pawl le bawmtu a ngei tampi bik pawl a si ve. A si nain lemcang Phyu Phyu Htwe cu June 22, 2021 ah company 20 reng lo nih a mah he riantuan ti lo ding, pehtlaihnak ngei ti lo ding in thanhnak an tuah.

Phyuphyu he riantuan ti ding in biakamnak an rak tuah cangmi vialte zong kha an phih dih than cang. Mahhi kong ah Phyu Phyu Htwe nih zapi theih ding in lehnak zeihmanh a tuah rih lo. A lung a rethei ngai ve ko tiah theiha si. Lungrethei le lungrawk ngai in a um ve. Lemcang Phyu Phyu Htwe hi ralkap nih uknak an lak hnu ah khan Yangon khuapi le a dang khuapi hna ah lamzawh tu mipi hna caah bawmhnak tampi a rak petu a si.

Tirawl zong a rak pek hna. Ralkap nih uknak an lak hnu ah sifak harsa tampi zong bawmhnak a rak pek hna. Kawlram lemcang le hlasak thiam minthang tampi dothlennak ah i tel ding in forhfial an si tikah Phyuphyu zong a si khawh tawk in ai tel i a mah zong lamzawh ah ai tel vemi a si. A kut zung thum a thlir lio zong hmanthlak ah ai tarmi a si. Kan hnu ah khan Kawl ralkap nih an khangh mi Pagwe ramthen Kinma khua ah Phyuphyu cu a va kal i bawmhnak a pek hna.

Bawmhnak a pek hna lio video a thlak cu a Facebook ah a post. Kinma khua ahhin minung tampi an kal i bawmhnak an pek cio ko ti a si. Sinain a ho hmanh nih social media ah hmanthlak video an la lo ti a si. Sinain Phyuphyu cu bawmhnak a pek lio video le hmanthlak in a langhter caah cu hnu ahcun Kawl ralkap nih Kinma khua lei ah bawmhnak pe khi ti lo ding an tuah hna tiah thawng theih a si.

Mah cu ruang ah minung tampi cu Phyuphyu ruang ah an thin a hung i cawlngai company pawl kha Phyuphyu he riantuan ti lo ding in mipi lei nih an ti tuk hna ruang ah company 20 leng nih Phyuphyu he riantuan ti lo ding in ca an chuah nak hi a si tiah theih a si. Phyuphyu hi dalan a si lo tiah minung tampi nih an tanh ve. Mipi he i bawm in bawmhnak a petu a si caah a riantuannak poh cu mipi theih ding le hmuh ding ah video in a post awk a si ve ko tiah minung tampi nihcun an tanh ve.

Be the first to comment

Leave a Reply

Your email address will not be published.


*