Palek Le Ralkap Nih Magwe Ah Mipi Cu Meithal In An Kah Cang Hna.(+VIDEO UM CHIH)

March 11, 2021 ; Magwe peng Myaing khuapi chungah daihnak in sandah a piahmi mipi cu ralkap le palik nih meithal in an kah hna i mibu an tthen. Atu tian theih khawhmi ah hi ah hin minung 6 an thi cang ti a si.Hliamhma a tuarmi le tlaihmi zong tam tak tak an um asinain minung zeizet an si a fiang rih lo. Magwe ah hin mipi nih ralkap uknak le nawlngeihnak duhlonak an langhter tikah hin hriamhrai chimlo biachia holh chia hmanh an hmang bal lo.

Thianghlim tak tak le daihnak tak tak in duhlonak an langhter tawn. Asinain CDM ah a cawlcangmi vialte hi palik le ralkap nih a thlitein zaan hna ah an pel hna i an tlaih tawn hna ti a si.

Magwe Ah Ralkap Le Palik Nih Meithal In An Kah Hna Lio Video, Minung 6 Atu Tiang An Thi Cang

Cun chun poah ah meithal le meikhu bom le ti le thise cawhmi hna in an kah hna tiah an chim. Magwe peng lawng hmanh ahhin a thimi hi an tam tak tak cang.

Tuchun zongah Magwe peng Myaing khuapi ah minung 6 nunnak a liam tthan. Hi nak tam zong a si kho tiah an chm. Atu tiang thawng an theih khawhmi ah minung 6 an ti bia asi. Hliam a tuarmi le tlaihmi zong an tam tak tak tiah an chim. VIDEO

https://www.facebook.com/105166167967655/videos/767524840568735

Thawngpang Dang Relchap; Nizan tlai hnuah khan lamzawhnak ah a kal ve mi, Kalaymyo, Sanmyo mi (2) hna cu lamzawh dih an lawi lei ah Chin Saing (ချင်းဆိုင်) khuaah Ralkap pawl nih an rak tlaih hna i, Motor Cycle in an i phirh i an motor cycle he an thlah chih hna tiah thawng theih a si.

“A nu le pa mithmai hmuh zong a nuam lo taktak. Kum khua lei upa an si cang fawn i, tuzing kan va len hna lebang cu a pa a rak ttap thluahmah i, zan zongah ai hngilh kho lai ka zuam lo.

Ka zaangfak tuk hrinhren ee! Mi ttah lio cuahmah i hman rak thlak cu a rem ka ti lo i, pawngkam ummi hna caah zongah zoh a har ngaingai lai. Thlacamnak in rak bawm cio hna usih,” tiah a hmunah a va kal mi pakhat nih a chim.

Be the first to comment

Leave a Reply

Your email address will not be published.


*