PALEK BAWI A ZAMMI NIH THIL SINING APHUAN CANG

Mizoram Champhai ah azammi Kawlram palek bawi pakhat cu azamnak konghe pehtlaiin thilsining vialte media sin ah a chim. A chimmi cu ka zam lo asi ahcun nawlpek mi el asi ruangah ka nunnak caah ttihnung asi i, cucaah ka him lo tiah a chim. Champhai ah a zammi palek bawi nih a chim tthan mi cu February ni 28 ah ralkap uknak lakmi a duhlomi mipi hna cu lamzawhnak an tuah.

Cucu hriamnam he hmangin kan tthawldawi hna. Mipi nih an duh lo i, lamzawhnak pehchih an timh asi ahcun nan kah hna lai tiah nawl aa kan pek. Cubantuk in mipi kah dingin nawl aa kan pek ruangah ka kap kho hna lo ka ti i ka rak zamnak hi asi tiah a chim. Tutan ah palek bawi Laipa hi march nikhat ah kawlram chuahtak in mizoram ah a zammi a si.

Ralkap nawlpeknak a si ko nain mipi kah ding cu phunghe aa kalmi a si ruangah ka ramnak zong hi asi tiah apeh chih. Cun keimah he hin azam mi hna hi minung paruk an sinak kong zong a langhter. Chungkhar hna zong kan rak zamtak hna tiah a chim. Tutan ah thilsining alanghtertu Chinpa hi Senthum a simi asi tiah VOA nih alanghter. Note: Amin le an chungkhar umnak pawl kan langhter lo.

No description available.

US Nih Athanh Tthan Cang: Min Aung Hlaing fa le cu US cozah nih dantatnak a tuah cang hna. Anmah lawng siloin an Company hna zong phihkharnak atuah rih hna. Kawlralkap bawizik Min Aung Hlaing fapa Aung Pyae Sone le Khin Thiri Thet Mon hi company ngan angei veve mi an si. Asinain apa min Aung Hlaing tuarsernak ruangah an company thilchuak hna cu US ah zuar kho tilo dingin US nih aphih piak hna.

Hi konghe pehtlaiin Kawlralkap bawizik Min Aung Hlaing le adang ralbawi hna zong US le UK nih dantat phihkharnak an rak tuah cang hna. US le Uk ramchung ah luhnak nawlpek an si lo pin ah ralhrang cazin chungah an khumh hna. Culawng siloin an ngeihmi thilri zong US luhnak nawlpek an si lo i, an phih khar cang hna.

Tutan ah Kawlralkap bawizik Min Aung Hlaing fale pahnih hna zong US ramchung luhnak nawl an phih kham hna lawng siloin an ngeihmi Company thilchuak hna zong US ah kuatnak nawl an kham rih hna. Cun US ah zuarnak nawl zong an phih rih hna pin ah hringtu apa bantukin ralhrang cazin ah an chiah chih hoi hna.

Kawlralkap bawizik Min Aung Hlaing a fapa Aung Pyae Sone le Min Aung Hlaing fanu Khin Thiri Thet Mon hna nih an ngeihmi company hna cu A&M Grand Company Limited le Sky One Construction Company Limited siseh Yangon Restaurent Yangon Gallery, Everfit Company lawng siloin Seventh Sence, Company ngangan hna hi an ngeihmi asi tiah BBC thawngzamhnak nih alanghter.

Be the first to comment

Leave a Reply

Your email address will not be published.


*