PAGO MINO HRUAITU NIH THIL SINING A CHIMMI CU CELH DING SI LO,

Ralhrang Kawlralkap nih Pago mipi an thahmi hna cu tuksum a si ko. Nikhat chungah mah vialte minung an nunnak ralhrang nih an lak ko hna hi cu lung a fak ko. Nikhat chungah mipi a nunnak aliammi hi minung 70 hrawng an si tiah an chim. Ralhrang Kawlralkap hna nih nizan April 10 zingka suimilam pali renglo in mipi hna cu kah hram an thok.

May be an image of standing

Mipi nih i runvennak an tuahmi cu ralhrang kawlralkap hna nih hriamnam ngan in an kah hna caah a tubantukin minung 70 hrawng an nunnak aliam hi a si. Hi kahnak konghe pehtlaiin mipi lei nih an chimmi cu mipi nih runvennak an tuahmi cu ralhrang kawlralkap hna nih bomb he meithal he biatak tein an kah hna. An kah chung hi suimilam paruk khan a si.

May be an image of outdoors and tree

Cun minung an hmuhmi paoh an kah thah hna. Ralhrang kawlralkap kahnak in a nunnak aliammi hi mipi lei nih cun minung pathum ruak lawng an lak khawh. Ralhrang kawlralkap hna nih an kah thahmi ruak motor ah an chiahmi hna hi minung 57 ruak an chiah lio hmuh asi tiah an chim. Hriamnak ngan in kah an si tikah mipi lei cu hnu an soh hna tiah an chim chih.

May be an image of outdoors and tree

Theih khawh mi le rel khawhmi tiangah a thimi ruak hi minung 62 an si. Cun hliam a tuarmi chungin a nunnak aliammi he hin a nunnak aliammi hi minung 70 cu an si ko lai tiah mipi lei nih an langhter. A nunnak aliam zat le hliam a tuarmi zat hi fiang tein a dihlak in cazin lak khawh asi rih lo caah hinak zong an tam kho tiah an chim.

No photo description available.

Hi konghe pehtlaiin Pago mino hruaitu pakhat nih a chimmi cu an thiltuah hi miphun cihmih an timhnak bak asi ko. Minung an hmuhmi paohpaoh an kah thah thluahmah hna. Rakhine ramchung ah a cangmi thil he aa khat bak. Tlangcung mi an tuarnak vialte zong tutan an thiltuah in ka fiang cang. Atu ahcun tlangcung mi lawng siloin kanmah kawl miphun tiangin aa kan thah ko cang tiah a chim.

May be an image of one or more people, motorcycle and outdoors

Arel rih lomi caah: UN Security Council ah US le EU nih Myanmar Kong Fak Ngaiin an Chim. April 9 zaan ah tuahmi Myanmar ram kong UNSC meeting ah US le EU nih Myanmar ralkap cung ah fak piin action lak ding in bia an chim.Myanmar rammi hna cung ah tuksum sualnak a tuahtu Myanmar ralkap hi UNSC nih hmual ngei taktak in action a lak awk a si cang.

Myanmar ralkap sin ah vawleicung ram hna nih ralhriam zuarh lo ding le Myanmar ralkap tangka hmuhnak rianttuannak vialte UNSC nih phihkhan ding in a tawlrel a hau cang, tiah US nih a chim.EU nih, Atu Myanmar ram ah a cangmi hi anmah ramchung kong lawng a si ti lo. Innpa ram zong a hnorsuan cang pin ah vawleicung daihnak le humhimnak tiang in a hnorsuan cang.

Myanmar ram kong ah UN General Assembly pi auh i awaan khat in biachahnak tuah kho ding in EU le kan hawile ram pawl kan i zuam cuahmah, tiah a chim. US Ambassador Linda Thomas-Greenfield nih, Myanmar ralkap nih an tuahmi fihnung tteihfiak sualnak hi anmah lila hrimhrim nih an temtuar ve a herh.Cucaah, Myanmar ram daihnak le a kiangkap ram pawl daihnak ca ah cun hmual a ngeimi action kan lak hrim a hau, tiah a chim. Credit: TJC

Be the first to comment

Leave a Reply

Your email address will not be published.


*