NUG COZAH KALH IN KAWLRALKAP AN CAWL, BOMB A PUAK COLH

Ralhrang nih meiman an hal hna, a pelomi hna cu an mei hri an chahpiak hna. Asinain Yangon Meizung Ah Bomb An Puah colh. Mei man liam dingin mipi an timi hna nak Yangon, Tin Ka Kyun mei zung le Ta Moi, Shi Pa Ku sii-inn pawng meizung ah tu zaanlei suimilam 3 le 5:40 hrawngah bomb a puak. Bomb a puah hnu tlawmpal ah ralhrangbu hna an rak ra i, lam an phih, mi an chek cuahmah hna tiah pawngkam ummi hna nih an chim.

Meizung chungah ralhrangbu hna zong an um ve buin an chehhnawh mi asi. Minung cu an kheng hna lo. Ralhrangbu hna zong an rak chuak colh ngam lo. Meiman cu kan liam ti lo, Mei an hrawh duh caah asi men lai tiin a hmun ah a ummi nih an chim. Nizaan ah Yangon mipi ralkap phu nih ralhrangbu tanhtu, motor PK le meizung hna kan target lai tiin ralrinnak an thanh tiah theih asi.

May be an image of outdoors

Thilsining Ralhrang kawlralkap hna nih Yangon ah mei man a pelo mi hna cu an mei hri an hrawhpiak cang hna. Yangon khuachung Kamayut, Northern le Dagon Seihkan telh in Township tam deuh ah nizan chunhnu thok in ralhrang kawlralkap hna nih Cycle in an chawh hnawh hna i, mei man a pe lomi hna cu an mei hri an chahpiak hna tiah theih a si.

Northern Dagon ah mei man peknak zungin an mei hri hna cu an chahpiak hna i, Norther Dagon Pinlong lampi No. 37 ah hin tam ngai an meihri an chahpiak hna ti a si. Hi konghe pehtlaiin minung pakhat nih a chimmi cu kanmah inn pawng hrawng zongah ape lomi kan tam ngai. Mei man peknak zungah rianttuantu hna an rat hnu ah kan mei cu a rawk colh tiah a chim.

Hi bantuk thiamthiam in Dagon Seihkan Township chung No 58 zongah inn kip ah an kal hnawh hna i mei man a pelomi hna paoh cu ralhrang kawlralkap lei nih an mei hri an chahpiak thluahmah tiah an langhter chih. Mei man kan pek lo ruangah inn kip ti awk mei hri an chahpiak hna i, a tuhi sang dang an kal hnawh cuahmah hna i, meiman pe colh aa kan ti tiah khuami pakhat nih a chim ve.

 

Mei man konghe pehtlaiin tuan deuh ah NUG cozah nih meiman nan pe lai lo tiah thanhnak an rak tuah cang. Culawng siloin mei man a halmi hna cu leirawitu ah chiah an si lai tiah an rak langhter cang. Tutan ah ralhrang kawlralkap hna nih meiman a pelomi hna cu an mei hri an chahpiak cang hna.

Be the first to comment

Leave a Reply

Your email address will not be published.


*