NLD BIACHIM LE THANHNAK TUAH CU LUNG AHMUITUK HRINGHRAN

NLD lei nih fiang ngaingai in thawngthanhnak an tuah cang. Ralkap lei zong nih chawnhbiak an duh asi ahcun chawnhbiaknak ngeih dingin timhcia peng kan si tiah an chim. Nizan ah NLD Party aiawh in chimnak nawl angeimi Dr Miu Nguent nih thanhnak atuah. Atimi cu Tlangcung party hna he remnak a um khawhnak dingah hruaitu minung pathum thim an si cang.

Tlangcung party hna he chawnhbiaknak ngei dingah hruaitu minung pathum kan thim hna i, Cu hna cu Dr Aung Moe Ngiu le Daw Nan Khin Htwei Myin le U In Htung Khan Naw hna an si. Anmah pathum rianttuannak hoih in Tlangcung party hna he chimrelttinak kan ngei lai. Rianrang in an rian hi an ttuan colh zong ruahchannak kan ngei tiah a chim.

Nizan ah NLD Central EC Meeting cu Naypidaw ah tuah asi i, hi meeting an tuah dih ah atu bantuk in thawngzamhtu hna sin ah a chim hi asi. Tutan ah rian khinhmi minung pathum hna le Tlangcung party hna cu tonnak an ngei lai i, Tlangcung party hna nih an duhning le an ruahning an chimmi vialte hna kha thatein an ngeihpiak hna lai i, ruahning le duhning aikhat ahcun hnatlaknak an tuah lai.

Cu kong cu NLD Central EC Meeting ah chimreltthan asi lai i, fehterternak tuah asi lai tiah a pek chih. Tutan ah hibantuk in khuakhan lairelnak asinak aruang bik cu tulio cozah dirhmun sersiam khawhnak ding nak in hmailei caan Union ram dirhnak dingah kan zapi duhthimnak phunglam dirh asi khawhnak caah tuahmi asi. Cun ralkap zong nih chawnhbiak akan duh asi ahcun i chawnh dingin timhcia kan si peng ko.

Hi zawn ah Abiapi mi kan ram harsatnak ngan bik mi ramchung tukdohnak a deih khawhnak ding le kan ram democracy federal system taktak a chuah khawhnak ding ah hithil vialte hna hi biapi ah chiah ahcun zeibantuk paoh chimreltti khawh lonak ding a um lo tiah a chim chih.State le Central karlak ah pakhat khat halnak aum asi ahcun thil sining thatein kan i ruah lai i, remnak kan tuah lai tiah alanghter.

Be the first to comment

Leave a Reply

Your email address will not be published.


*