NIHIN KAWLRAM THAWNGPANG. RALKAP HLANMI AA THAWH CANG LAI

NIHIN KAWLRAM THAWNGPANG (March 15, 2021) 1. Sandahpiahmi Minung (29) Nunnak A Liam, Nihin zong kawlram hmunkip ah sandahpiahnak an tuah than. Sandahpiahmi hna cu palik le ralkap nih an thenthek hna i methal in an kah hna. Nihin ah kawlram hmunkip in sandahpiahmi palik le ralkap kahnak in minung (29) nunnak a liam. Pahnihnak. India ah Minung 400 Renglo An Zam Cang. Kawlram buainak ruangah minung 400 renglo India ah an zam cang tiah India palik lei nih thawng an thanh. Hi chungah a tam deuh cu palik le an chungkhar tiah an ti.

Pathumnak. Rangon Hmun (6) Ah Martial Law An Thanh.Nizan ah Rangon hmun 2 ah ralkap uknak Martial law an thanh i, nihin ah Rangon hmun 4 ah an thanh than. Rangon hmun (6) ah Martial law an thanh. Palinak. Ralkap Nih Internet An Phih Piak Than Hna. Nizan ah ralkap le palik kahnak in minung 70 hrawng an thi. Tuluk sehzung mei in an khangh. Rangon ah hmun 2 ah Martial law an thanh i, nihin ah Internet an phih piak than hna.

The Curious Case Of Bishkek's $1 Million Deal With Ex-Israeli Intelligence  Worker

Panganak. Cozah Riantuan Pawl Umnak An Thialter Hna. Nihin ah Nayphidaw le hmun dangdang ah cozah riantuan pawl CDM a tuahmi hna cu an umnak inn in hramhram in an thial ter hna. Paruknak. Ralkap Nih An Hlanmi Israel Pa Kawlram A Ra Lai. Ralkap hnih vawlei cungah an thatnak kong chimpiak dingin dollar 2 million in an hlanmi Israel chuah Canada ummi Ari Ben-Menashe le Ms.Dimtra cu thaizing ah ralkap sinah Kawlram ah an ra lai tiah thawng an theih.

Pasarihnak. Kawlram Ah Mangtam A Tlung Kho. Ralkap nih uknak a lak ruangah vawlei cung dihlak in phihkharnak an tuah. Cun ram chung riantuannak vialte a dir khan a si cang. Cucaah kawlram ah mangtam a tlung kho tiah (WFP) nih an chim. Lalnak : RFA: VOA, Khit Tit Media. Thawngpang a relmi nan dihlak cungah ka lawm. Holh theih lomi le riantuanmi caah siaherhnak tein ka van in hrawmhmi hna a si. Pathian nih a kan bawmh lai i mipi nih teinak kan hmuh zau ko lai.Teinak cu BAWIPA ta a si’’ (Jonah 2:9). Amen. Credit: Abraham Sang Nawl

Be the first to comment

Leave a Reply

Your email address will not be published.


*