NIHIN KAWLRAM THAWNGPANG: PALEK 400 RENGLO CDM AN LUT CANG

Nihin Thawngpang: Pakhatnak. Palik 400 Renglo CDM An Lut Cang. Hmunkip in Palik 400 renglo CDM ah zapi theih tein an lut cang. Tidim lei in palik 40 hrawng CDM lutmi an si ve cang. Zapi sinah theihter rih lomi zong an um kho men. Luh a duh ko nain a phunphun ruangah a lut rih lomi tampi an um ti a si. Nihin ah Thantlang in ralkap bawi pakhat zong CDM ah a lut tiah thawng an thanh.

Myanmar army tightens laws on overnight guests as police hunt protesters |  Deccan Herald

Pahnihnak. Myanmar Embassy Riantuan 30 renglo CDM An Lut Cang. US; Germany, Switzerland; Japan, Israel ram ah Myanmar Embassy kawlram tanzung ah riantuanmi minung 30 renglo cu CDM ah an lut cang. Nihin ah UK i Kawlram tanzung palai pa zong nih kei cu Daw Aung San Suu Kyi lei ah ka tuan ko lai tiah a chim.

Myanmar protesters block arrests as UN demands Suu Kyi's release

Pathumnak. MRTV Riantuanmi 200 Hrawng CDM An Lut. Kawlram thawngpang chimnak MRTV ah riantuanmi 200 hrawng cu CDM ah an lut cang.Palinak. Virus Ruangah Lahkhah Thla Hnih Ca An Thohmi Hna Cham Ti Lo Ding. NLD cozah nih virus ruangah thlah hnih ca in lakkhah a rak thohtermi hna cu cham ti lo dingin CRPH nih thawngthanhnak an tuah.

Myanmar police file second charge against deposed leader Suu Kyi | Main |  English edition | Agencia EFE

Panganak. Nihin Sandahpiahmi Minung Pathum An Thi. Nihin sandahpiahmi hna cu palik le ralkap kahnak hna caah Myitkyna in minung 2 an thi i, Phiapung in minung pakhat a thi. Nizan ah palik le ralkap kahnak in Tilin ah pakhat a thi. Nihin tiang sandahpiah chungah minung 58 an thi tiah theih a si. Paruknak. Thawngthanhnak Media Pa Nga An Khar Piak Hna. Kawlram Media a simi DVB, Mizzima, Myanmar Now, 7 Days, Khit Tit Media pawl hna cu an phih, an khar piak hna.

How Myanmar's Civil Disobedience Movement Is Pushing Back Against the Coup  | Voice of America - English

Pasarihnak. Ralkap Nih Private Bank Pawl An Onter Hna. Nihin thawkin private bank vialte nan on dih lai, nan on lo cun dantat nan si lai tiah ralkap nih thawngthanhnak an tuah ko nain, riantuantu pawl CDM an tuah ruangah private bank pawl an ong hna lo.Thawngpang lalnak : BBC, VOA, RFA. Nihin Kawlram thawngpang ka van in hrawmh chinmi hna a si. Mipi nih teinak kan hmuh dengmang cang. Bawipa thawngin kan tei ko lai. Teinak cu Bawipa ta a si. Amen. Credit: Abraham Sang Nawl

Be the first to comment

Leave a Reply

Your email address will not be published.


*