MP HLUN PI ZA TLEM CU CEIKO IN LEHNAK ATUAH KO CANG HIH

MP Hlun Pi Za Tlem nih vawlei kong ah Vice President kong a tial mi fianternak. 2010-2015 tiang Thantlang peng caah MP a rak tuan bal mi Pi Za Tlem nih Vice President Dr. Henry Van Thio le Thantlang vawlei kong a tial mi kong ah fianternak ka van tuah.Pi Za Tlem (CNLD Party) nih a facebook time line ah Chin Party Mee Pek aherhnak ti mi tlangtar in ca a tial mi number 7 nak ah “Thantlang zong ah a mah Henry VanTthio hmaizoh in kawlnu cu Lungler lei lam ah vuleii ekah 30 kum 30 an hlanh ko khih.

Cucaah NLD Chinramah cozah an tlaih rih ah cun vulei lawng upidi(မြေလွတ်မြေရိုင်းဉပဒေ)in miphun dang kut a phan dih lai tihh a nung. Lo zu nih Inn zu a pawnchuah bantuk kan si sual lai” tiah ca a tial.Thil sining fiang ko in chim ne usih. Myanmar ram Vice President Henry Van Thio cu “Ministry of hotel and tourism” ဟိုတယ် နှင့် ခရီး သွားလာ ရေး လုပ်ငန်း ဝန်ကြီး ဌာန ah tuanvo tlai tu chiarman a si. Hi rian nih aa tinh mi cu Kan ram ah ram chung ramleng lei in company tampi kha chawlehthalnak lei ah sawm i investment tuahter kha a si.

Kan ram a sifah ruang ah ramdang in investment tuah duh mi an tlawm. cucu NLD cozah nih term khat a tuan chung ah ramdang lei company sawm an zuam I kawlram huap in company lawng te 1032 an sawm khawh hna. Ramdang lei nih investment a tuah khawh mi chung in kawlram nih kan hmuh mi hi US dollar 36 billion bak a si cang.Ram pakhat thanchonak ding ah ramchung ramleeng company hna nih investment tuah kho tu tampi kha sawm a herh.

A rian a si bantuk in ramchung ramleeng company tampi cu sawm khawh aa zuam i “Ministry of hotel and tourism” ဟိုတယ် နှင့် ခရီး သွားလာ ရေး လုပ်ငန်း rian a tuan chung ah a hlawh tling bik pasal tha a si caah 2019 kum ah United Nation World Tourism Organization (UNWTO ) nih Myanmar ram cu “Ministry of hotel and tourism” ဟိုတယ် နှင့် ခရီး သွားလာ ရေး လုပ်ငန်း ah a thangcho bik a si tiah an thanh i tuanvo ngeitu Vice president Van Thio cu Award for World Best Tourism Destination for 2019 laksawng pek ding tiang in ACADEMINIAN-Honorary member of European Tourism Academy nih an rak timh.

Vic President nih hi rian a tlaih hnu ah Myanmar ram cu “Ministry of hotel and tourism” ဟိုတယ် နှင့် ခရီး သွားလာ ရေး လုပ်ငန်း ah a thang cho bik a hung si. cucu Vice President Van Thio zuamnak thawng in a si.Tutan ah Pi Za Tlem nih Vice President nih kawl nu kum 30 ca in hmun a pek tiah a ti mi hi zei hmanh a hngalh lo caah a si.a ruang cu, Ram le Miphun, pengkip thancho nak ah ramchung ramleeng in investment kong a hngalh lo caah a si.

Atu i kawlnu zong khi Thantlang ah Hotel a sak mi zong khi a sung a miak tuak lo in Thantlang khua zawnruahnak he an sakter mi a si. Thantlang ah Hotel le khual riahnak tha a um lo ahcun ramchung ramleeng khuatlawng le investment tuahtu an tlawmtuk lai. A taktak le ngaingai ti ahcun a ho company hmanh nih a miak ruahcun Thantlang ah miphun dang nih Hotel an tuah duh lai lo, mi chuakluut an um lo caah Hotel sak zong an duh lem lo.

Cu tik ah Thantlang thanchonak zawnruah nak thinlung he Vice President le Chin Cozah hna nih an nawl i Hotel an sak ter mi a si.Kan ram cu a sifah ruang le ralakp uknak a thian rih lo caah ramleeeng in investment tuahtu company an tlawm tuk. cu tik ah Vice President le NLD nih ramchung ramleeng mirum tampi kha laitlang ah luhter an duh. a ruang cu chinram hi sersiam an duh caah a si. Atu zong Tedim, Hakha le Falam zong ah ramchung ramleeng mirum hna kha sawm in Hotel sakter an timh rih.

Hihi Chin Ram ah ramchung ramleeng nih investment an tuah khawh nakding le khual chuak luut tampi an um khawhnak ding caah a si.Investment tuah ding sawm tik ah ramleeng sawm ding a um i ramchung lei company sawm ding an um ve. Ramchung compny nih an tuah khawh lo mi cu ramleeng lei company kha sawm an si.Chin ram ahcun mi zei company le mirum hmanh nih investment tuah an duh lo nain in Vice President Van Thio mit hmai zoh in investment an rak tuah.

Chin ramkulh pengkip zong ah ramchung ramleeng company hna sawm in Hotel tampi an sak ter hna.Hotel le khualtlawngnak lei “Ministry of hotel and tourism” ဟိုတယ် နှင့် ခရီး သွားလာ ရေး လုပ်ငန်းhe pehtlai in Myanmar ram cu 2019 kum ah a thangcho bik a si. hihi A mah Vice President Henry Van Thio zuamnak thawng a si. Kan ram a si fah ruang ahcun pei ramdang lei investment a tlawmtuk caah ramdang mi hna sin ah bawmh hal le investment tuahter cu a si famcu. Ram 50 in company lawngte 253 nih US Dollar 5.7 billions tluk investment an rak tuah cang.

Hihi zeitluk in dah kan ram caah a that. Hi vialte hi Kawlram cozah nih ramdang sin ah bawmh an hal hna caah hi vialte investment an tuah mia si.Pi Zatlem nih khua thuk pi a ruah khawh lo ning le miphun thleidanak in a ca a tial mi hi nutling ruahnak cu a si bak lo. tuak hmanh, kawl pawl hi an tha tuk ti hi a hngal lo. Kawl ram Yangon khuapi hamnh ah Lai mi nih Biakinn 100 leeng kan sak hnawh hna, Bible siangin tampi kan sak hnawh rih hna.

Arzua mi le dumhau ngan pipi kan tuah hnawh ve mi hna khi a hmu kho lo. Khi vialte khi kawl nih zei cu kha tiah aa kan ti bal lo.Pi Zatlem MP hmanh a rak tuan mi nih hi bantuk ramthanchonak idea a ngeih lo mi hi hmailei kan ram hruaitu si ding ahcun hnulei chit a hau cang. A hngalh lo mi ah a biapi taktak mi cu, Kan ram thanchonak ding ah ramchung ramleeng investment tuah hi a si.

Hi tik ah ramchung company le ramleeng company hna kha sawm ding a si. Hi ti kan tuah lo ahcun ram cu a thancho khawh tung lai lo.Hi bantuk thanchonak rian an tuan mi hna a si lo ning in catial le an Party caah vote a kawl mi cu bochan tlak lo minung le Party an si zia a lang ko.Kan van peh rih lai.

Biahalnak: 1. Pi Za Tlem nih Investment ti mi hi na fiang maw? 2. “Ministry of hotel and tourism” ဟိုတယ် နှင့် ခရီး သွားလာ ရေး လုပ်ငန်းrian hi na fiang maw? 3. Hitluk investment a biapi mi tuah ning cang hmanh na hngalh lo ahcun zeitin kan ram na ser siam khawh lai? 3. Kan ram hruaitu pakhat a si mi hna ning cang lo tuk na soisel ngam mi hi zei dah na tinh bik mi a si? 4. Na Party sungh lai phan ah thil si lo ning in na soisel mi a si maw? 5. Na Party vote kawl nak ca ah na tuah mi a si nak cu “Cucaah CNLD vote ko hna usih” tiah na dawnghter mi nih khan a langhter. By Rolian. Credit: Ro Lian Thang

Be the first to comment

Leave a Reply

Your email address will not be published.


*